കേരളം പോളിംഗ് ബൂത്തിലേക്ക്: 2.71 കോടി വോട്ടർമാർ, 883 സ്ഥാനാർഥികൾ; ഒരുക്കങ്ങൾ പൂർത്തിയായി
തിരുവനന്തപുരം: കേരളത്തിലെ നിയമസഭാ തെരഞ്ഞെടുപ്പിനായുള്ള എല്ലാ ഒരുക്കങ്ങളും പൂർത്തിയായതായി മുഖ്യ തെരഞ്ഞെടുപ്പ് ഓഫീസർ രത്തൻ ഖേൽക്കർ അറിയിച്ചു.
സംസ്ഥാനത്ത് ആകെ 2,71,42,952 വോട്ടർമാരാണ് ഉള്ളത്. 883 സ്ഥാനാർഥികൾ ആണ് ജനവിധി തേടുന്നത്. ഇതിനായി 30,471 പോളിംഗ് സ്റ്റേഷനുകളും 24 ഓക്സിലറി ബൂത്തുകളും സജ്ജീകരിച്ചിട്ടുണ്ട്. 1200-ൽ അധികം വോട്ടർമാരുള്ള ബൂത്തുകളിൽ പ്രത്യേക സൗകര്യങ്ങളും ഒരുക്കിയിട്ടുണ്ട്.
352 ബൂത്തുകൾ വനിതകൾ നിയന്ത്രിക്കുന്നതും, 37 ബൂത്തുകൾ ഭിന്നശേഷിക്കാർ നിയന്ത്രിക്കുന്നതുമാണ് ഈ തിരഞ്ഞെടുപ്പിന്റെ പ്രത്യേകത. വീട്ടിൽ വോട്ട് ചെയ്യാനുള്ള സംവിധാനത്തിലൂടെ 98 ശതമാനം പേർ ഇതിനകം വോട്ട് രേഖപ്പെടുത്തിയതായി അദ്ദേഹം വ്യക്തമാക്കി.
പോസ്റ്റൽ വോട്ടുകളിൽ 95 ശതമാനവും പൂർത്തിയായിട്ടുണ്ട്. പോളിംഗ് ഉദ്യോഗസ്ഥരിൽ 40 ശതമാനം പേർ ഇതിനകം വോട്ട് ചെയ്തു.
അതേസമയം, ഏപ്രിൽ 29 വൈകിട്ട് 6.30 വരെ എക്സിറ്റ് പോളുകൾ പ്രസിദ്ധീകരിക്കാൻ വിലക്കുണ്ട്. അഭിപ്രായ സർവേകൾക്ക് ഇന്ന് വൈകിട്ട് ആറുമുതൽ പോളിംഗ് അവസാനിക്കുന്നത് വരെ നിരോധനവും ഏർപ്പെടുത്തിയിട്ടുണ്ട്.
പോസ്റ്റൽ ബാലറ്റ് ലഭിക്കാത്തവർക്ക് വിതരണ കേന്ദ്രങ്ങളിൽ വോട്ട് ചെയ്യാനുള്ള സൗകര്യം ഒരുക്കിയിട്ടുണ്ടെന്നും പ്രത്യേക കണ്ട്രോൾ റൂം പ്രവർത്തിക്കുന്നുണ്ടെന്നും അധികൃതർ അറിയിച്ചു.
തിരഞ്ഞെടുപ്പുമായി ബന്ധപ്പെട്ട് 46.71 കോടി രൂപയുടെ പിടിച്ചെടുക്കൽ നടത്തിയതായും അധികൃതർ വ്യക്തമാക്കി.
English Summary
Kerala is fully prepared for the विधानसभा elections with over 27.1 million voters and 883 candidates. More than 30,000 polling stations have been set up, with special arrangements for large booths. Authorities have also imposed restrictions on exit polls and opinion surveys
