പോസ്റ്റൽ ബാലറ്റിൽ ഇടതുകരുത്ത്; 5 ഇടങ്ങളിൽ എൻഡിഎ മുന്നേറ്റം; സുരേന്ദ്രനും ശോഭയും രാജീവ് ചന്ദ്രശേഖറും ലീഡിൽ
തിരുവനന്തപുരം: നിയമസഭാ തിരഞ്ഞെടുപ്പിന്റെ പോസ്റ്റൽ വോട്ടുകൾ എണ്ണിത്തുടങ്ങിയ ആദ്യ അരമണിക്കൂറിനിടെ സംസ്ഥാനത്ത് എൽഡിഎഫ് ചില മണ്ഡലങ്ങളിൽ മുൻതൂക്കം നേടിയതായി പ്രാഥമിക സൂചനകൾ. അതേസമയം, ബിജെപി നയിക്കുന്ന എൻഡിഎ മുന്നണി അഞ്ചു മണ്ഡലങ്ങളിൽ ലീഡ് പിടിച്ചു.
മഞ്ചേശ്വരം, പാലക്കാട്, നേമം, കഴക്കൂട്ടം, ചാത്തന്നൂർ മണ്ഡലങ്ങളിലാണ് എൻഡിഎ സ്ഥാനാർഥികൾ മുന്നിലെത്തിയത്. മഞ്ചേശ്വരത്ത് കെ. സുരേന്ദ്രൻ, പാലക്കാട് ശോഭ സുരേന്ദ്രൻ, നേമത്ത് രാജീവ് ചന്ദ്രശേഖർ, കഴക്കൂട്ടത്ത് വി. മുരളീധരൻ, ചാത്തന്നൂരിൽ ഗോപകുമാർ എന്നിവരാണ് ലീഡ് നിലയിൽ.
ഇതിനിടെ, ഇത്തവണ കുറഞ്ഞത് രണ്ടക്ക സംഖ്യയിലെങ്കിലും മണ്ഡലങ്ങളിൽ വിജയം നേടാമെന്ന ആത്മവിശ്വാസത്തിലാണ് ബിജെപി ക്യാമ്പ്.
പോസ്റ്റൽ വോട്ടുകളുടെ പ്രാഥമിക പ്രവണതകൾ മാത്രമായതിനാൽ ഇവിഎം വോട്ടുകൾ എണ്ണിത്തുടങ്ങുന്നതോടെ ചിത്രം മാറാനിടയുണ്ടെന്ന് തിരഞ്ഞെടുപ്പ് നിരീക്ഷകർ വിലയിരുത്തുന്നു.
English Summary
In the initial postal ballot counting, LDF gained early leads in some constituencies, while NDA is leading in five seats including Manjeshwaram and Nemom. Trends may change as EVM counting begins.
