അപരാജിതമായ രണ്ട് ഇന്നിങ്സുകൾ. ആ കളിയിൽ അവർ തിരിച്ചു പിടിച്ചത് ഫൈനൽ ബർത്തും ഇന്ത്യയുടെ അഭിമാനവും. അണ്ടര്-19 ലോകകപ്പ് ക്രിക്കറ്റില് ഫൈനല് കാണാതെ മാടനും എന്ന് പ്രതീക്ഷിച്ച ഇന്ത്യയെ വിജയ തീരത്തടുപ്പിച്ച് സച്ചിന് ദാസ് (96), ഉദയ് സഹാരണ് (81) എന്നിവരുടെ പക്വതേയറിയ ഇന്നിംഗ്സായിരുന്നു. ണ്ട് വിക്കറ്റിന്റെ ജയമാണ് ഇന്ത്യ നേടിയത്. ടോസ് നഷ്ടപ്പെട്ട് ബാറ്റിംഗിനെത്തിയ ദക്ഷിണാഫ്രിക്ക 256 വിജയലക്ഷ്യമാണ് മുന്നോട്ടുവച്ചത്. മറുപടി ബാറ്റിംഗില് ഇന്ത്യ 48.4 ഓവറില് എട്ട് വിക്കറ്റ് നഷ്ടത്തില് ലക്ഷ്യം മറികടന്നു. ദക്ഷിണാഫ്രിക്കയ്ക്ക് വേണ്ടി ട്രിസ്റ്റണ് ലസ് മൂന്ന് വിക്കറ്റ് വീഴ്ത്തി. ഓസ്ട്രേലിയ – പാകിസ്ഥാന് മത്സരത്തിലെ വിജയികളെ ഇന്ത്യ ഫൈനലില് നേരിടും.
ഒരു ഘട്ടത്തില് തോല്വി മുന്നില് കണ്ടിരുന്നു ഇന്ത്യ. നാലിന് 32 എന്ന പരിതാപകരമായ നിലയിലായിരുന്നു ടീം. മത്സരത്തിലെ ആദ്യ പന്തില് തന്നെ ഇന്ത്യക്ക് ആദ്യ വിക്കറ്റ് നഷ്ടമായി. ക്വെന എംഫാക്കുടെ പന്തില് ആദര്ഷ് സിംഗ് മടങ്ങി. വിക്കറ്റ് കീപ്പര് പിടോറ്യൂസിനായിരുന്നു ക്യാച്ച്. നാലാം ഓവറില് ഇന്ത്യയുടെ രണ്ടാം വിക്കറ്റും നഷ്ടമായി. ടൂര്ണമെന്റില് മികച്ച ഫോമില് കളിക്കുന്ന മുഷീര് ഖാന് (4) സ്ലിപ്പില് ക്യാച്ച് നല്കി മടങ്ങി. ലസ്സിനായിരുന്നു വിക്കറ്റ്. അര്ഷിന് കുല്ക്കര്ണിയുടേയും (12) അവസ്ഥ ഇതുതന്നെയായിരുന്നു. പ്രിയാന്ഷു മോളിയയറ്റും (5) വിക്കറ്റ് കീപ്പര്ക്ക് ക്യാച്ച് നല്കി മടങ്ങിയതോടെ ഇന്ത്യയുടെ നില പരുങ്ങലിലായി. തുടര്ന്നായിരുന്നു സചിൻെറയും ഉദയ് യുടെയും ഇന്നിങ്സുകൾ. 171 റണ്സാണ് ഇരുവരും കൂട്ടിചേര്ത്തത്. അവസാന രണ്ട് ഓവറില് ഒമ്പത് റണ്സാണ് ജയിക്കാന് വേണ്ടിയിരുന്നത്. തിവാരി (4) ബൗണ്ടറി നേടി ഇന്ത്യയെ ഫൈനലിലെത്തിച്ചു.
Also Read: ചെങ്കടലിൽ പുതിയ ഭീഷണിയുമായി ഹൂത്തികൾ ; സമുദ്രാന്തർഭാഗത്തെ കേബിളുകൾ മുറിക്കും
