ഭർത്താവുമായി വഴക്കിട്ട് പത്തുമാസം പ്രായമുള്ള കുഞ്ഞിന് വിഷം കൊടുത്ത് കൊന്ന ശേഷം യുവതി ജീവനൊടുക്കി
ഹൈദരാബാദ്: കുടുംബ തർക്കത്തെ തുടർന്ന് ഭർത്താവുമായി വഴക്കിട്ട് പിണങ്ങിയ യുവതി പത്തുമാസം പ്രായമുള്ള കുഞ്ഞിന് വിഷം കൊടുത്ത് കൊന്ന ശേഷം ആത്മഹത്യ ചെയ്തു.
ഹൈദരാബാദ് മീർപേട്ട ഹസ്തിനപുരത്ത് വ്യാഴാഴ്ച രാത്രിയായിരുന്നു ദാരുണ സംഭവം. യശ്വന്ത് റെഡ്ഡിയുടെ ഭാര്യ സുഷ്മിത (27)യും മകൻ യശവർദ്ധൻ റെഡ്ഡിയും ആണ് മരിച്ചത്.
ആത്മഹത്യയ്ക്ക് മുമ്പ് സുഷ്മിത തന്റെ പത്തുമാസം പ്രായമുള്ള മകനിന് വിഷം നൽകിയതായാണ് പൊലീസിന്റെ പ്രാഥമിക കണ്ടെത്തൽ. സംഭവസ്ഥലത്ത് ഇരുവരെയും മരിച്ച നിലയിൽ കണ്ടെത്തുകയായിരുന്നു.
മകളും ചെറുമകനും മരിച്ചുകിടക്കുന്ന കാഴ്ച കണ്ട സുഷ്മിതയുടെ അമ്മ ലളിത ആത്മഹത്യയ്ക്ക് ശ്രമിച്ചതായും റിപ്പോർട്ടുണ്ട്. ഇവരെ ഉടൻ ആശുപത്രിയിൽ പ്രവേശിപ്പിച്ചു.
ചാർട്ടേഡ് അക്കൗണ്ടന്റായ യശ്വന്ത് റെഡ്ഡിയും സുഷ്മിതയും നാല് വർഷം മുമ്പാണ് വിവാഹിതരായത്. കഴിഞ്ഞ കുറച്ച് ദിവസങ്ങളായി ദമ്പതികൾക്കിടയിൽ കുടുംബകലഹം പതിവായിരുന്നുവെന്ന് ബന്ധുക്കൾ പൊലീസിനോട് പറഞ്ഞു.
സംഭവദിവസം സുഷ്മിത സ്വന്തം വീട്ടിലെത്തിയ ശേഷം കുഞ്ഞുമായി മുറിയിലേക്ക് പോയി വാതിൽ അടയ്ക്കുകയായിരുന്നു. ഇവർ ഉറങ്ങുകയാണെന്ന് ലളിത കരുതിയിരുന്നു.
രാത്രി ജോലി കഴിഞ്ഞ് വീട്ടിലെത്തിയ യശ്വന്ത് റെഡ്ഡി കിടപ്പുമുറി അകത്ത് നിന്ന് പൂട്ടിയിരിക്കുന്നത് കണ്ടതോടെ വാതിൽ തകർത്തു അകത്ത് കയറി. അപ്പോഴാണ് ഭാര്യയെയും മകനെയും മരിച്ച നിലയിൽ കണ്ടത്. തുടർന്ന് പൊലീസിനെ വിവരം അറിയിച്ചു.
സംഭവത്തിൽ പൊലീസ് കേസെടുത്തിട്ടുണ്ട്. പ്രാഥമിക അന്വേഷണത്തിൽ കുടുംബ തർക്കങ്ങളാണ് മരണത്തിന് പിന്നിലെന്നാണ് നിഗമനം. സംഭവത്തിന്റെ കൃത്യമായ കാരണം കണ്ടെത്തുന്നതിനായി കൂടുതൽ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.
കുടുംബാംഗങ്ങളുടെ മൊഴികളും പൊലീസ് രേഖപ്പെടുത്തിവരികയാണ്.
English Summary
A woman allegedly killed her ten-month-old son by poisoning him and later died by suicide following frequent family disputes with her husband in Hyderabad. The incident occurred at Meerpet. Police have registered a case and are investigating the exact circumstances behind the tragedy.
hyderabad-family-dispute-woman-kills-infant-son-commits-suicide
Hyderabad, family dispute, suicide case, infant death, crime news, domestic conflict, Telangana news
