ന്യൂനപക്ഷ വിഭാഗത്തില്പ്പെട്ട വിധവകള്,വിവാഹബന്ധം വേര്പ്പെടുത്തിയ ഉപേക്ഷിക്കപ്പെട്ട സ്ത്രീകള് എന്നിവര്ക്കുള്ള ഇമ്പിച്ചി ബാവ ഭവന പുനരുദ്ധാരണ പദ്ധതിയിലേക്കുള്ള അപേക്ഷ ആഗസ്റ്റ് 31 വരെ സ്വീകരിക്കും. Housing Rehabilitation Scheme: Applications can be made till August 31
മുസ്ലീം, ക്രിസ്ത്യന്, ബുദ്ധ, സിഖ്, പാഴ്സി, ജൈന് എന്നീ ന്യൂനപക്ഷ മതവിഭാഗത്തില്പ്പെടുന്ന വിധവകള്, വിവാഹബന്ധം വേര്പ്പെടുത്തിയ ഉപേക്ഷിക്കപ്പെട്ട സ്ത്രീകള് എന്നിവര്ക്കാണ് ന്യൂനപക്ഷക്ഷേമ വകുപ്പ് സഹായം നല്കുക.
ജനലുകള്,വാതിലുകള് ,മേല്ക്കൂര , ഫ്ലോറിംഗ് ,ഫിനിഷിംങ് ,പ്ലംബിംങ് , സാനിറ്റേഷൻ, വയറിംഗ് , എന്നിവയില്ലാത്ത വീടുകളുടെ അടിസ്ഥാന സൗകര്യം മെച്ചപ്പെടുത്തന്നതിനാണ് ധനസഹായം .
ഒരു വീടിന്റെ അറ്റകുറ്റപണികള്ക്ക് 50,000 രൂപ ലഭിക്കും. ഇത് തിരിച്ചടക്കേണ്ടതില്ല. അപേക്ഷകയുടെ സ്വന്തം പേരിലോ പങ്കാളിയുടെ പേരിലോ ഉള്ള വിടിന്റെ പരമാവധി വിസ്തീര്ണ്ണം 1200 സ്ക്വയര് ഫീറ്റ് കവിയരുത്. അപേക്ഷക കുടുംബത്തിലെ ഏക വരുമാനദായകയായിരിക്കണം.
ബി.പി.എല് കുടുംബത്തിന് മുന്ഗണന. അപേക്ഷകയോ , അവരുടെ മക്കള്ക്കോ, ശാരീരിക മാനസിക വെല്ലുവിളി നേരിടുന്നവര്, പെണ്കുട്ടികള് മാത്രമുള്ള അപേക്ഷക തുടങ്ങിയവര്ക്കും മുന്ഗണന ലഭിക്കും .
സര്ക്കാര്/ അര്ദ്ധ സര്ക്കാര് സ്ഥാപനങ്ങളില് സ്ഥിര വരുമാനം ലഭിക്കുന്ന മക്കളുള്ള വിധവകള്, സര്ക്കാരില് നിന്നോ സമാന ഏജന്സികളില് നിന്നോ 10 വര്ഷത്തിനുള്ളില് ഭവന നിര്മ്മാണത്തിന് സഹായം ലഭിച്ചവര് എന്നിവര് വീണ്ടും അപേക്ഷിക്കേണ്ടതില്ല.
അപേക്ഷാ ഫാറം , 2024-25 സാമ്പത്തിക വര്ഷത്തെ ഭൂമിയുടെ കരം ഒടുക്കിയ രസീതിന്റെ പകര്പ്പ്, റേഷന് കാര്ഡിന്റെ പകര്പ്പ് എന്നിവയോടൊപ്പം വീട് റിപ്പയര് ചെയ്യേണ്ടതിനും, വീടിന്റെ വിസ്തീര്ണ്ണം 1200 സ്ക്വയര് ഫീറ്റില് കുറവാണ് എന്ന് വില്ലേജ് ആഫീസര്,തദ്ദേശ സ്വയംഭരണ സ്ഥാപനത്തിലെ അസിസ്റ്റന്റ് എഞ്ചിനീയര്/ബന്ധപ്പെട്ട അധികാരികള് എന്നിവരില് ആരുടെയെങ്കിലും സാക്ഷ്യപത്രം ഉള്ളടക്കം ചെയ്യണം .
പൂരിപ്പിച്ച അപേക്ഷ രേഖകള് സഹിതം കളക്ടറേറ്റിലെ ന്യൂനപക്ഷക്ഷേമ സെക്ഷനില് നേരിട്ടോ. ജില്ലാ ന്യൂനപക്ഷക്ഷേമ സെക്ഷന്, സിവില് സ്റ്റേഷന് , കുയിലിമല , പൈനാവ് , ഇടുക്കി എന്ന വിലാസത്തില് തപാല് മുഖാന്തിരമോ, ആഗസ്ത് 31 വരെ അപേക്ഷിക്കാം. അപേക്ഷാ ഫോറം www. minoritywelfare.kerala.gov.in ല് ലഭിക്കും.
