കൊച്ചി: റെക്കോർഡ് കുതിപ്പിന് തടയിട്ട് കൊണ്ട് സംസ്ഥാനത്ത് സ്വർണവിലയിൽ ഇന്ന് ഇടിവ്. പവന് 400 രൂപയാണ് കുറഞ്ഞത്. 54,040 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് 50 രൂപ കുറഞ്ഞ് ഒരു ഗ്രാം സ്വര്ണത്തിന്റെ വില 6755 രൂപയിലുമെത്തി.
മാർച്ച് മാസം 29ന് ആണ് ആദ്യമായി സ്വര്ണവില 50,000 കടന്നത്. അന്ന് ഒറ്റയടിക്ക് 440 രൂപ വര്ധിച്ച് സ്വർണത്തിനു 50,400 രൂപയിലെത്തി. പിന്നീടുള്ള ദിവസങ്ങളില് ഏറ്റക്കുറച്ചിലുകളിൽ നിന്ന സ്വര്ണവില ഈ മാസം മൂന്നാംതീയതി മുതലാണ് വീണ്ടും ഉയരാന് തുടങ്ങിയത്. 19ന് 54,500 കടന്ന് സ്വര്ണവില സര്വകാല റെക്കോര്ഡിട്ടു. തുടര്ന്ന് രണ്ടുദിവസത്തിനിടെ ഏകദേശം 500 രൂപയാണ് ഇടിഞ്ഞത്. അന്താരാഷ്ട്ര വിപണിയില് ഉണ്ടാകുന്ന മാറ്റമാണ് കേരളത്തിലും സ്വർണവിലയിൽ ചാഞ്ചാട്ടം സംഭവിക്കുന്നത്.
Read Also: 22.04.2024. 11 AM . ഇന്നത്തെ പ്രധാനപ്പെട്ട 10 വാർത്തകൾ
