മേപ്പാടി: മുണ്ടക്കൈ ഉരുൾപൊട്ടലിൽ വീട്ടിൽ കുടുങ്ങി കിടന്നിരുന്ന നാല് പേരെ കണ്ടെത്തി. പടവെട്ടിക്കുന്നിൽ കുടുങ്ങിയ നാല് പേരെയാണ് ജീവനോടെ രക്ഷിച്ചത്. രണ്ട് പുരുഷൻമാരെയും രണ്ട് സ്ത്രീകളെയുമാണ് രക്ഷപെടുത്തിയത്.(Fourth Day of Survival; Four people trapped in the disaster land were found alive)
ജോൺ, ജോമോൾ, എബ്രഹാം, ക്രിസ്റ്റി എന്നിവരാണ് കുടുങ്ങി കിടന്നിരുന്നത്. സംഘത്തിലെ സ്ത്രീയുടെ കാലിന് പരിക്കേറ്റ നിലയിലാണെന്നും സൈന്യം അറിയിച്ചു. ഇവരെ എയർലിഫ്റ്റ് ചെയ്യും. മുണ്ടക്കൈയിൽ നിന്ന് ഒരു കിലോ മീറ്റർ മാറിയാണ് പടവെട്ടിക്കുന്നിലുള്ള ജോണിന്റെ വീട്.
നാലാം ദിനം സൈന്യവും എൻഡിആർഎഫും സംസ്ഥാന സർക്കാരും വിവിധ സന്നദ്ധ സംഘടനകളും നാട്ടുകാരും സംയുക്തമായാണു തിരച്ചിൽ നടത്തുന്നത്.
