ചെന്നൈ: മധുരയിൽ ഹോസ്റ്റലിലുണ്ടായ തീ പിടിത്തത്തില് രണ്ട് യുവതികള് പൊള്ളലേറ്റു മരിച്ചു. പൊള്ളലേറ്റ അഞ്ച് പേരെ ആശുപത്രിയില് പ്രവേശിപ്പിച്ചിരിക്കുകയാണ്. മധുരയിലെ കത്രപാളയത്ത് പ്രവര്ത്തിച്ചിരുന്ന ഹോസ്റ്റലിലാണ് തീപിടുത്തമുണ്ടായത്. ഇന്ന് പുലര്ച്ചയോടെയായിരുന്നു സംഭവം.(Fire in hostel; Two people including the teacher died)
അപകട വിവരം അറിഞ്ഞെത്തിയ അഗ്നിശമന സേനയാണ് തീയണച്ചത്. ശരണ്യ, പരിമള എന്നിവരാണ് മരിച്ചത്. ഇവരില് ഒരാള് അധ്യാപികയാണ്. ഗുരുതരമായി പൊള്ളലേറ്റ രണ്ടുപേരെയും ആശുപത്രിയില് എത്തിച്ചെങ്കിലും രക്ഷിക്കാനായില്ല. പൊള്ളലേറ്റ മറ്റ് പെണ്കുട്ടികള് ചികിത്സയിലാണ്.
ഷോര്ട്ട് സര്ക്യൂട്ട് ആകാം തീപിടിത്തത്തിനുള്ള കാരണം എന്നാണ് പൊലീസിന്റെ പ്രാഥമിക വിലയിരുത്തല്. തീ പിടുത്തത്തെ തുടര്ന്നുണ്ടായ കട്ടിയായ പുക ശ്വസിച്ച് നിരവധി പെണ്കുട്ടികള്ക്ക് ശ്വാസതടസ്സം ഉണ്ടായി. ഇവരും ചികിത്സയിൽ കഴിയുകയാണ്.
