കൊച്ചി: വാക്ക് തർക്കത്തെ തുടർന്ന് അച്ഛനെയും മകനെയും റോഡിലൂടെ വലിച്ചിഴച്ചു കൊണ്ട് കാർ യാത്രക്കാര്. എറണാകുളം ചിറ്റൂർ ഫെറിക്കു സമീപം കോളരിക്കൽ റോഡിൽ ഇന്നലെ രാത്രിയായിരുന്നു സംഭവം നടന്നത്. ലോറി ഡ്രൈവറായ അക്ഷയ്, പിതാവ് സന്തോഷ് എന്നിവരെയാണ് കാര് യാത്രക്കാർ റോഡിലൂടെ വലിച്ചിഴച്ചു കൊണ്ടു പോയെന്നാണ് പരാതി. ( Father and son were dragged along the road by car passengers)
റോഡിലെ ചെളിവെള്ളം ദേഹത്ത് തെറിപ്പിച്ചതിനെ തുടർന്നുള്ള വാക്കുതര്ക്കത്തിൻ്റെ പേരിലായിരുന്നു അക്രമണമെന്നാണ് വിവരം. എന്നാൽ സംഭവത്തിന്റെ ദൃശ്യങ്ങൾ സഹിതം പരാതി നൽകിയിട്ടും പൊലീസ് കേസെടുത്തില്ലെന്ന് അക്ഷയും പിതാവും ആരോപിച്ചു.
അക്ഷയും പിതാവും കാര് ഡ്രൈവറെ പിടിച്ചുനിൽക്കുന്നതും പിന്നാലെ കാര് മുന്നോട്ട് ഓടിച്ച് പോകുന്നതുമാണ് ദൃശ്യങ്ങളിൽ കാണാം. കാറിലുണ്ടായിരുന്ന മറ്റൊരു യാത്രക്കാരൻ അക്ഷയുടെയും അച്ഛൻ്റെയും കൈ ഡ്രൈവറുടെ ദേഹത്ത് നിന്ന് വിടുവിക്കാൻ ശ്രമിക്കുന്നതും ദൃശ്യങ്ങളിലുണ്ട്. എന്നാൽ ഇരുവരെയും വലിച്ചുകൊണ്ട് കാര് മുന്നോട്ട് പോയതോടെ ഒരു യുവതി ഇവര്ക്ക് പിന്നാലെ കരഞ്ഞുകൊണ്ട് ഓടുന്നതും വീഡിയോയിൽ കാണാം.
മത്തിയ്ക്ക് എന്താ ഈ ലിസ്റ്റിൽ കാര്യം എന്ന് മലയാളികൾ ; മോശം റേറ്റിംഗ് ഉള്ള വിഭവങ്ങളുടെ പട്ടികയിൽ ഒന്നാമത്
