ഔദ്യോഗികമായി ഇ-പാസ്പോര്ട്ട് (ഇലക്ട്രോണിക് പാസ്പോര്ട്ട്) പുറത്തിറക്കി ഇന്ത്യ. 2025 അവസാനത്തോടെ രാജ്യത്തെ എല്ലാ പാസ്പോര്ട്ട് സേവാ കേന്ദ്രങ്ങളിലേക്കും ഈ സേവനം വ്യാപിപ്പിക്കുമെന്ന് വിദേശകാര്യ മന്ത്രാലയം (എംഇഎ) വ്യക്തമാക്കി. വിദേശകാര്യ മന്ത്രാലയത്തിന്റെ കണക്കു പ്രകാരം, 2024 ഏപ്രില്‍ 1 ന് ആരംഭിച്ച പാസ്പോര്ട്ട് സേവാ പ്രോഗ്രാമിന്റെ (പിഎസ്പി) പതിപ്പ് 2.0 പ്രകാരമാണ് ഈ പുതിയ സംരംഭം ആരംഭിച്ചിരിക്കുന്നത്.
തിരഞ്ഞെടുത്ത നഗരങ്ങളില്‍ ഇപ്പോള്‍ ഇ-പാസ്പോര്ട്ട് ലഭ്യമാണ്. നിലവില്‍ ജമ്മു, ഗോവ, നാഗ്പൂര്‍, ഷിംല, ഭുവനേശ്വര്‍, ഡല്‍ഹി, റാഞ്ചി, സൂററ്റ്, ഹൈദരാബാദ്, ചെന്നൈ, ജയ്പൂര്‍, അമൃത്സര്‍, റായ്പൂര്‍ തുടങ്ങിയ നഗരങ്ങളിലെ പ്രാദേശിക പാസ്പോര്ട്ട് ഓഫിസുകളിലാണ് ഇ-പാസ്‌പോര്‍ട്ടുകള്‍ നല്‍കുന്നത്.
ഒരു പാസ്പോര്ട്ട് ബുക്‌ലെറ്റ് തന്നെയാണിത്. എന്നാൽ, ഇതിനൊപ്പം റേഡിയോ ഫ്രീക്വന്‍സി ഐഡന്റിഫിക്കേഷന്‍ (RFID) ചിപ്പും പിന്‍ കവറിനുള്ളില്‍ ആന്റിനയും ഉള്‍പ്പെടുത്തിയിട്ടുണ്ട്. ഫോട്ടോകളും വിരലടയാളങ്ങളും ഉള്‍പ്പെടെയുള്ള ഉടമയുടെ വ്യക്തിഗത, ബയോമെട്രിക് വിവരങ്ങള്‍ ഈ ചിപ്പ് സുരക്ഷിതമായി സൂക്ഷിക്കുന്നു.
പ്രധാന സവിശേഷതകൾ:
ഇതിലുള്ള ചിപ്പ് അന്താരാഷ്ട്ര പ്രോട്ടോക്കോളുകള്‍ പിന്തുടരുന്നു, ഇത് ആഗോള അധികാരികള്‍ക്ക് പാസ്‌പോര്‍ട്ടിന്റെ ആധികാരികത പരിശോധിക്കുന്നത് എളുപ്പമാക്കുന്നു. ഡാറ്റയില്‍ കൃത്രിമത്വം, വ്യാജരേഖ ചമയ്ക്കല്‍, സ്വത്വാപഹരണം എന്നിവയില്‍ നിന്ന് സംരക്ഷിക്കുന്നതിനായി ഇ-പാസ്‌പോര്‍ട്ടുകളില്‍ ചിപ്പ് പബ്ലിക് കീ ഇന്‍ഫ്രാസ്ട്രക്ചര്‍ (പികെഐ) സാങ്കേതികവിദ്യ ഉപയോഗിക്കുന്നു. ഇപാസ്‌പോര്‍ട്ടുകള്‍ ഓട്ടോമേറ്റഡ് ഇഗേറ്റുകളിലേക്ക് പ്രവേശനം അനുവദിക്കുന്നു, ക്ലിയറന്‍സ് വേഗത്തിലാക്കുകയും മാനുവല്‍ പരിശോധനകള്‍ കുറയ്ക്കുകയും ചെയ്യുന്നു.
ഇ-പാസ്‌പോർട്ടിൽ ഒരു ഇലക്ട്രോണിക് ചിപ്പ് അടങ്ങിയിരിക്കുന്നു. പാസ്‌പോർട്ടിന്റെ ഡാറ്റ പേജിൽ അച്ചടിച്ചിരിക്കുന്ന അതേ വിവരങ്ങൾ ചിപ്പിൽ അടങ്ങിയിരിക്കുന്നു: ഉടമയുടെ പേര്, ജനനത്തീയതി, മറ്റ് ജീവചരിത്ര വിവരങ്ങൾ. ഒരു ഇ-പാസ്‌പോർട്ടിൽ ഒരു ബയോമെട്രിക് ഐഡന്റിഫയറും അടങ്ങിയിരിക്കുന്നു.
ചിപ്പിൽ ഉടമയുടെ ഡിജിറ്റൽ ഫോട്ടോ ഉണ്ടായിരിക്കണമെന്ന് ആണ് പടോട്ടോകോള്.. വിസ വേവർ പ്രോഗ്രാം (VWP) രാജ്യങ്ങളും യുണൈറ്റഡ് സ്റ്റേറ്റ്സും നൽകുന്ന എല്ലാ ഇ-പാസ്‌പോർട്ടുകളിലും ഇ-പാസ്‌പോർട്ട് ചിപ്പിൽ സംഭരിച്ചിരിക്കുന്ന ഡാറ്റ അനധികൃതമായി വായിക്കുന്നത് അല്ലെങ്കിൽ “സ്കിമ്മിംഗ്” ചെയ്യുന്നത് തടയാൻ സുരക്ഷാ സവിശേഷതകൾ ഉണ്ട്.
ഇത് യാത്രക്കാര്‍ക്ക് ഉപയോഗപ്രദമാകുന്നത് എങ്ങനെ ?
ഇ-പാസ്‌പോര്‍ട്ടുകള്‍ അച്ചടിച്ചതും ഡിജിറ്റല്‍ ഒപ്പിട്ടതുമായതിനാല്‍, ഇത് കൂടുതല്‍ സുരക്ഷിതത്വം വാഗ്ദാനം ചെയ്യുന്നതും വ്യാജമായി നിര്‍മ്മിക്കാന്‍ ബുദ്ധിമുട്ടുള്ളതുമാകുന്നു. ഈ സംവിധാനങ്ങള്‍ വേഗത്തിലുള്ള ഇമിഗ്രേഷന്‍ പ്രോസസ്സിംഗ് സാധ്യമാക്കുന്നു.
ചിത്രങ്ങള്‍, വിരലടയാളം, ജന്മദിന തിയതി, പാസ്പോര്ട്ട് നമ്പര്‍ എന്നിവയടക്കമുള്ള വിവരങ്ങളാണ് ഈ ചിപ്പില്‍ ഉള്‍പ്പെടുത്തിയിട്ടുണ്ടാവുക. അവ സുരക്ഷിതമായി സൂക്ഷിക്കും. അതുകൊണ്ട് തന്നെ വിവരങ്ങള്‍ ചോര്‍ന്നു പോകാനുള്ള സാധ്യത വളരെ കുറവാണ്.
ഇ-പാസ്‌പോര്‍ട്ടിനായി അപേക്ഷിക്കുന്ന വിധം:
സാധാരണ പാസ്‌പോര്‍ട്ടിനായി അപേക്ഷിക്കുന്ന പ്രക്രിയയ്ക്ക് സമാനമായ രീതിയിലാണ് ഇ-പാസ്‌പോര്‍ട്ടിനും അപേക്ഷിക്കേണ്ടത്. നിര്‍ദ്ദിഷ്ട ഘട്ടങ്ങള്‍ ഇവയാണ്:
ഓണ്‍ലൈന്‍ അപ്ലിക്കേഷന്‍: Passport Seva Portal ല്‍ ലോഗിന്‍ ചെയ്ത് ഫോം പൂരിപ്പിക്കുക
അപ്പോയിന്റ്‌മെന്റ് ബുക്ക് ചെയ്യുക: അടുത്തുള്ള പാസ്പോര്ട്ട് സേവാ കേന്ദ്രത്തിലോ (PSK) പോസ്റ്റ് ഓഫീസ് പാസ്പോര്ട്ട് സേവാ കേന്ദ്രത്തിലോ (POPSK) ഒരു അപ്പോയിന്റ്‌മെന്റ് ഷെഡ്യൂള്‍ ചെയ്യുക
ബയോമെട്രിക് വിവരങ്ങള്‍ സമര്‍പ്പിക്കുക: അപ്പോയിന്റ്‌മെന്റ് ദിവസം വ്യക്തിഗതമായി ഹാജരായി ഫോട്ടോ, ഫിംഗര്‍പ്രിന്റ്, ഐറിസ് സ്‌കാന്‍ തുടങ്ങിയ ബയോമെട്രിക് വിവരങ്ങള്‍ നല്‍കുക.
ഇപ്പോള്‍ ബയോമെട്രിക് പാസ്പോര്ട്ട് പരിശോധന പിന്തുണയ്ക്കുന്ന വിമാനത്താവളങ്ങളില്‍ ഇ-പാസ്‌പോര്‍ട്ടുകളുള്ള യാത്രക്കാര്‍ക്ക് ഓട്ടോമേറ്റഡ് ലെയ്‌നുകള്‍ ഉപയോഗിക്കാന്‍ സാധിക്കുന്നതാണ്. ഇ പാസ് പോര്‍ട്ടുകളിലെ വിവരങ്ങള്‍ ശേഖരിക്കാന്‍ സാധിക്കുന്ന ഇ ഗേറ്റുകള്‍ വഴി എളുപ്പത്തില്‍ യാത്രികര്‍ക്കും പോവാനാവും.
