ശ്രീനഗർ: ജമ്മു കശ്മീരിൽ സൈന്യവും ഭീകരരും തമ്മിൽ ഏറ്റുമുട്ടൽ. കുൽഗാമിലാണ് ഏറ്റുമുട്ടൽ നടക്കുന്നത്. ടിആർഎഫ് കമാൻഡറെ സൈന്യം വളഞ്ഞതായാണ് പുറത്തുവരുന്ന റിപ്പോർട്ട്.
ഭീകരാക്രമണത്തിന് പിന്നാലെ കശ്മീരിലെ പഹൽഹാം സുരക്ഷാ സേനയുടെ വലയത്തിലായിരുന്നു. അതേസമയം കശ്മീരിൽ വിവിധയിടങ്ങളിൽ സൈന്യം സുരക്ഷ വർധിപ്പിച്ചിട്ടുണ്ട്. ഇന്ന് ബാരാമുള്ളയില് നടന്ന ഏറ്റുമുട്ടലില് 2 ഭീകരരെ സുരക്ഷാ സേന വധിച്ചിരുന്നു.
പഹല്ഗാം ആക്രമണം നടന്ന് ഒരു ദിവസത്തിനു ശേഷമാണ് കുല്ഗാമില് സുരക്ഷാ സേനയും ഭീകരരും തമ്മില് ഏറ്റുമുട്ടല് നടക്കുന്നത്. അതേസമയം, പഹല്ഗാം ഭീകരാക്രമണത്തിന്റെ പശ്ചാത്തലത്തില് പാക്കിസ്ഥാനെതിരെ കടുത്ത നടപടിക്കുള്ള തയ്യാറെടുപ്പിലാണ് ഇന്ത്യ.
പാക്കിസ്ഥാനുമായുള്ള നയതന്ത്ര സഹകരണം അവസാനിപ്പിച്ചേക്കുമെന്നാണ് കേന്ദ്രസര്ക്കാര് വൃത്തങ്ങളില് നിന്ന് പുറത്തു വരുന്ന വിവരം. ഇസ്ലാമാബാദിലെ ഹൈക്കമ്മിഷന് കാര്യാലയത്തിന്റെ പ്രവര്ത്തനം നിര്ത്തിയേക്കും. കൂടാതെ സിന്ധു നദീജല കരാര് റദ്ദാക്കിയേക്കുമെന്നുമാണ് പുറത്തുവരുന്ന വിവരം.
