തൊടുപുഴ: അബദ്ധത്തില് ഉമ്മത്തിന് കായ കഴിച്ച വയോധിക മരിച്ചു. ഇടുക്കി അടിമാലിയിലാണ് സംഭവം. കല്ലാര് അറുപതാംമൈല് പൊട്ടയ്ക്കല് പരേതനായ വര്ഗീസിന്റെ ഭാര്യ ഏലിക്കുട്ടി (89) ആണു മരിച്ചത്.
ഇന്നലെ ഉച്ചയ്ക്ക് 2ന് വീട്ടില് വെച്ചാണ് സംഭവം. ഏലിക്കുട്ടി അബദ്ധത്തില് ഉമ്മത്തിന് കായ കഴിക്കുകയായിരുന്നുവെന്നു ബന്ധുക്കള് പറഞ്ഞു. അസ്വസ്ഥത അനുഭവപ്പെട്ടതിനു പിന്നാലെ അടിമാലി താലൂക്കാശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
ഗോവയിലേക്കില്ല, പോയത് തിരുവനന്തപുരത്തേക്ക്; ഫോര്ട്ട്കൊച്ചിയില് നിന്ന് കാണാതായ കുട്ടികളെ കണ്ടെത്തി
കൊച്ചി: ഫോര്ട്ട് കൊച്ചിയില് നിന്നും കാണാതായ കുട്ടികളെ തിരുവനന്തപുരത്ത് നിന്നും കണ്ടെത്തി. ഇന്നലെ രാവിലെ മുതലാണ് 3 കുട്ടികളെ കൊച്ചിയിൽ നിന്നും കാണാതായത്.
അന്വേഷണത്തിനിടെ റെയില്വേ സ്റ്റേഷന് പരിസരത്ത് ഇവര് കറങ്ങി നടക്കുന്നത് പൊലീസിന്റെ ശ്രദ്ധയില്പെടുകയായിരുന്നു. സ്ഥലം കാണാനിറങ്ങിയതാണ് എന്നാണ് കുട്ടികള് പറഞ്ഞത്. ഇവരുടെ കൈവശം വസ്ത്രങ്ങള് നിറച്ച ബാഗുമുണ്ടായിരുന്നു.
ലാസര് മാര്ക്കറ്റിന് സമീപം താമസിക്കുന്ന ഷമീറിന്റെ മക്കളായ പതിഞ്ചുകാരന് മുഹമ്മദ് അഫ്രീദിനെയും പതിമൂന്നുകാരന് മുഹമ്മദ് ഹഫീസിനെയും അയല്വാസിയായ ഫറാദിന്റെ മകന് 15 വയസുള്ള അദീന് മുഹമ്മദിനെയും ഇന്നലെ രാവിലെ മുതലാണ് കൊച്ചിയിൽ നിന്നും കാണാതായത്.
വീട്ടില് നിന്ന് 3000 രൂപയുമായാണ് വിദ്യാര്ത്ഥികള് പോയത്. ഗോവയിലേക്ക് പോകുന്നതിനെ കുറിച്ച് വിദ്യാര്ഥികള് സംസാരിച്ചതായും ഫോണില് ഗോവയിലേക്കുള്ള ദൂരം സെര്ച്ച് ചെയ്തതതായും പൊലീസ് കണ്ടെത്തിയിരുന്നു.
