പൂഞ്ഞാർ പള്ളിയിൽ പള്ളി കോംപൗണ്ടിലെ ബൈക്ക് റെയിസിംഗ് ചോദ്യം ചെയ്ത വൈദികനെ വാഹനമിടിപ്പിച്ച് വിഴ്ത്തി.
6 യുവാക്കൾ പോലീസ് കസ്റ്റഡിയിൽ. പൂഞ്ഞാർ സെൻ്റ് മേരീസ് ഫൊറോനാ പള്ളിയിലാണ് സംഭവം. അസിസ്റ്റൻ്റ് വികാരി ഫാ ജോസഫ് ആറ്റുചാലിനയാണ് ലഹരിയിലെത്തിയ സംഘം ഇടിച്ചു വീഴ്ത്തിയത്. ദേവാലയത്തിൽ ചടങ്ങുകൾ നടക്കുന്നതിനിടയിൽ സാമൂഹ്യ വിരുദ്ധർ കുരിശും തൊട്ടിയിൽ റേയ്സിംഗ് നടത്തിയത് ചോദ്യം ചെയ്തതാണ് പ്രകോപനത്തിന് കാരണം. ഇതിനുമുമ്പും ഇത്തരം സംഭവങ്ങൾ ഉണ്ടാവുകയും മുന്നറിയിപ്പ് നൽകുകയും ചെയ്തിരുന്നു. ഇതിനു പ്രതികാരമെന്നോണമാണ് ഇന്ന് കൂടുതൽ ആളുകളെയും കൂട്ടി സംഘം എത്തിയത്. എട്ടോളം കാറുകളും അഞ്ച് ബൈക്കുകളിലുമായാണ് സംഘം എത്തിയത്. ഇടവകയ്ക്ക് പുറത്ത് നിന്നുള്ള ഒരുസംഘം യുവാക്കളാണ് പള്ളിമുറ്റത്ത് അക്രമം കാട്ടിയത്. പരിക്കേറ്റ അസിസ്റ്റൻ്റ് വികാരി ഫാ ജോസഫ് ആറ്റുചാലിനെ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
സംഭവത്തെ തുടർന്ന് പള്ളിയിൽ കൂട്ടമണിയടിച്ചതിനെ തുർന്ന് ഇടവക ജനം ഉൾപ്പെടെ വലിയ ആൾക്കൂട്ടം പള്ളിയിൽ തടിച്ചുകൂടി. പാലാ ഡിവൈഎസ്പി കെ സദൻ സ്ഥലത്തെത്തി നടപടികൾ സ്വീകരിച്ചു.
https://youtu.be/ndtWDFfYyUA?si=MkRvnxPb3GbwB5N7
https://youtu.be/8RPsVqlBO68?si=7TVM6sFLcqSWZCuu
