ഉരുള്പൊട്ടല് ദുരന്തത്തില് മുന്നറിയിപ്പ് സംബന്ധിച്ച ആശങ്കകൾക്ക് ഇടയിൽ വിശദീകരണവുമായി കേന്ദ്ര കാലാവസ്ഥാ നിരീക്ഷവകുപ്പ് മേധാവി മൃത്യുഞ്ജയ് മോഹപത്ര.
ഓറഞ്ച് അലര്ട്ട് ലഭിക്കുമ്പോള്തന്നെ മുന്നൊരുക്കം നടത്തണമെന്നും റെഡ് അലര്ട്ടിനായി കാത്തിരിക്കേണ്ടതില്ലെന്നും അദ്ദേഹം വിശദീകരിച്ചു.(Don’t wait for red alert’: Central Meteorological Department chief with explanation)
ഓറഞ്ച് അലര്ട്ട് എന്നാല് നടപടികള്ക്ക് തയ്യാറാകുക എന്നതാണ് അര്ത്ഥമാക്കുന്നതെന്നും റെഡ് അലര്ട്ടിനായി കാത്തിരിക്കേണ്ടതില്ലെന്നും അദ്ദേഹംപറഞ്ഞു.
”ജൂലായ് 25 മുതല് ഓഗസ്റ്റ് ഒന്നു വരെ പടിഞ്ഞാറന് തീരത്തും രാജ്യത്തിന്റെ മധ്യഭാഗങ്ങളിലും കനത്ത മഴ ലഭിക്കുമെന്ന് ഞങ്ങള് പ്രവചിച്ചിരുന്നു. ജൂലായ് 25-ന് നല്കിയ യെല്ലോ അലര്ട്ട് ജൂലായ് 29 വരെ തുടര്ന്നു. 29-ന് ഓറഞ്ച് അലര്ട്ട് പുറപ്പെടുവിച്ചു. ജൂലായ് 30-ന് അതിരാവിലെ 20 സെ.മീറ്റര് വരെ മഴ പ്രതീക്ഷിക്കുന്ന റെഡ് അലര്ട്ട് നല്കി”
കാലാവസ്ഥ നിരീക്ഷ വകുപ്പ് മേധാവി പറഞ്ഞു.
മണ്ണിടിച്ചിലുണ്ടാവാമെന്ന് കേരളത്തിന് മുന്നറിയിപ്പ് നല്കിയിരുന്നെന്നും അത് മുഖവിലയ്ക്കെടുത്ത് മേഖലയില്നിന്ന് ആളുകളെ ഒഴിപ്പിച്ചിരുന്നെങ്കില് നാശനഷ്ടം കുറയ്ക്കാമായിരുന്നെന്നും പാര്ലമെന്റില് കേന്ദ്ര ആഭ്യന്തരമന്ത്രി അമിത് ഷാ പറഞ്ഞിരുന്നു.
എന്നാല്, അമിത് ഷാ പാര്ലമെന്റില് പറഞ്ഞ കാര്യങ്ങള് വസ്തുതാവിരുദ്ധമെന്ന് മുഖ്യമന്ത്രി പിണറായി വിജയന് തിരിച്ചടിച്ചിരുന്നു.
