നിലമ്പൂര്: ലോക്സഭാ തെരഞ്ഞെടുപ്പിൽ ബിജെപിക്കുണ്ടായ തിരിച്ചടിയിൽ യൂ ട്യൂബര് ധ്രുവ് റാത്തിക്ക് ആശംസകളര്പ്പിച്ച് ഫാന്സ് അസോസിയേഷന്. മലപ്പുറം നിലമ്പൂരിലുള്ള ജനതപ്പടിയിലാണ് ധ്രുവിന് ആശംസ അര്പ്പിച്ച് ഫ്ലെക്സ് ബോർഡ് പ്രത്യക്ഷപ്പെട്ടത്. ‘ജനാധിപത്യം വീണ്ടെടുക്കാന് പ്രയത്നിച്ച സോഷ്യല് മീഡിയ പോരാളിക്ക് ഹൃദയാഭിവാദ്യങ്ങള്’ എന്നാണ് ഫ്ലെക്സിലെ വാചകങ്ങൾ.(Dhruv Rathee fans association in kerala)
തെരഞ്ഞെടുപ്പ് ഫലം വന്നപ്പോൾ എന്ഡിഎ സഖ്യം നേരിട്ട തിരിച്ചടിയില് യുട്യൂബറും സോഷ്യല് മീഡിയ ഇന്ഫ്ളുവന്സറുമായ ധ്രുവ് റാത്തിയുടെ പങ്കിനെ പ്രശംസിച്ച് സോഷ്യല് മീഡിയയില് അനവധി പോസ്റ്ററുകളാണ് വന്നത്. ഇതിന് പിന്നാലെയാണ് കേരളത്തിലും ഫാന്സ് അസോസിയേഷന് രംഗത്തെത്തിയിരിക്കുന്നത്. ഉത്തര്പ്രദേശ് അടക്കം ബിജെപി ഹൃദയഭൂമിയില് ബിജെപിക്ക് അടിപതറിയതില് സോഷ്യല് മീഡിയയിലെ ധ്രുവിന്റെ ഇടപെടല് വലിയ പങ്കുവഹിച്ചെന്നും സാധാരണക്കാരുടെ നെഞ്ചില് കയറിക്കൂടിയത് ധ്രുവിന്റെ വാക്കുകളാണെന്നും സോഷ്യല് മീഡിയ അഭിപ്രായപ്പെട്ടിരുന്നു.
രാജ്യത്തിന്റെ അടിസ്ഥാന വര്ഗത്തിന്റെ പ്രശ്നങ്ങള് അവതരിപ്പിച്ച് മോദി സര്ക്കാരിനെ തുറന്നുകാട്ടിയ ധ്രുവ് റാത്തിയുടെ യുട്യൂബ് വീഡിയോ മിനിറ്റുകള്ക്കകമാണ് സോഷ്യല് മീഡിയയിൽ വൈറലായത്. 2024 ഫെബ്രുവരി 22- ന് ധ്രുവ് റാത്തി പോസ്റ്റ് ചെയ്ത ‘ ഇന്ത്യ ഏകാധിപത്യത്തിലേക്ക് പോവുകയാണോ?’ എന്ന ഒരൊറ്റ വീഡിയോ മാത്രം കണ്ടത് കോടിക്കണക്കിന് പേരായിരുന്നു. ശേഷം ഇത് വരെയുള്ള തുടര്ച്ചയായ ദിവസങ്ങളിലെ ട്വിറ്റര് ട്രെന്ഡിങ്ങില് ഇത് ആദ്യ പത്തില് ഇടം പിടിച്ചു.
Read Also:കുതിച്ചുയർന്ന് സ്വർണവില, ഈ മാസത്തെ ഏറ്റവും ഉയർന്ന നിരക്കിൽ; വില ഇങ്ങനെ
