വ്യാഴാഴ്ചയ്ക്കകം ചുഴലിക്കാറ്റ് രൂപപ്പെടാൻ സാധ്യത
തിരുവനന്തപുരം: ബംഗാൾ ഉൾക്കടലിൽ വ്യാഴാഴ്ചയ്ക്കകം ചുഴലിക്കാറ്റ് രൂപപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കന്യാകുമാരി കടലിനും സമീപ പ്രദേശങ്ങൾക്കും മുകളിലുണ്ടായിരിക്കുന്ന ചക്രവാതച്ചുഴി നാളെയോടെ ന്യൂനമർദ്ദമായി ശക്തിപ്രാപിക്കാനാണ് സാധ്യത. അതേസമയം, തെക്കുകിഴക്കൻ അറബിക്കടലിലും മറ്റൊരു ചക്രവാതചുഴി നിലനിൽക്കുന്നു.
ഇവയുടെ സംയുക്ത സ്വാധീനഫലമായി കേരളത്തിൽ അടുത്ത അഞ്ച് ദിവസം ഇടിമിന്നലോടുകൂടിയ മഴയ്ക്കും ഒറ്റപ്പെട്ട ഇടങ്ങളിൽ ശക്തമായ മഴയ്ക്കും സാധ്യതയുണ്ട്.
ബംഗാൾ ഉൾക്കടലിൽ നിലവിലുള്ള ശക്തമായ ന്യൂനമർദ്ദം പടിഞ്ഞാറ്-വടക്കുപടിഞ്ഞാറ് ദിശയിലേക്ക് സഞ്ചരിച്ച് അടുത്ത 24 മണിക്കൂറിനുള്ളിൽ തെക്കൻ ആൻഡമാൻ കടലിൽ തീവ്ര ന്യൂനമർദ്ദമാകുമെന്നാണ് പ്രവചനം. തുടര്ന്ന് 48 മണിക്കൂറിനകം ഇത് തെക്കൻ ബംഗാൾ ഉൾക്കടലിൽ ചുഴലിക്കാറ്റായി ശക്തിപ്പെടും.
ജാഗ്രതയുടെ ഭാഗമായി ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിൽ യെല്ലോ അലർട്ട് പ്രഖ്യാപിച്ചിരിക്കുകയാണ്.
നാളെ തിരുവനന്തപുരം, കൊല്ലം, പത്തനംതിട്ട ജില്ലകളിലും ബുധനാഴ്ച തിരുവനന്തപുരം, കൊല്ലം ജില്ലകളിലും യെല്ലോ അലർട്ട് നിലവിലുണ്ടാകും. 24 മണിക്കൂറിൽ 64.5 മുതൽ 115.5 മില്ലിമീറ്റർ വരെ ലഭിക്കുന്ന മഴക്കാണ് ശക്തമായ മഴ എന്ന വർഗീകരണം ബാധകം.
English Summary
A cyclonic storm is likely to form over the Bay of Bengal by Thursday, according to the India Meteorological Department. A circulation over the Kanyakumari sea is expected to intensify into a low-pressure area by tomorrow, while another circulation persists over the southeast Arabian Sea. These systems are likely to bring thunderstorms and isolated heavy rainfall to Kerala over the next five days.
The existing intense low-pressure system over the Bay of Bengal may strengthen into a deep depression over the South Andaman Sea within 24 hours and later into a cyclonic storm over the southern Bay of Bengal.
Yellow alerts have been issued for several districts including Thiruvananthapuram, Kollam, Pathanamthitta, Alappuzha, Kottayam, Idukki and Ernakulam.
cyclone-likely-over-bay-of-bengal-yellow-alert-in-kerala
ചുഴലിക്കാറ്റ്, കാലാവസ്ഥ, ബംഗാള്ഉള്ക്കടല്, കേരളമഴ, യെല്ലോഅലര്ട്ട്, ന്യൂനമര്ദ്ദം
