തിരുവനന്തപുരം: സപ്ലൈകോയിലെ സബ്സിഡി സാധനങ്ങളുടെ വിലയിൽ മാറ്റം. പുതിയ നിരക്ക് പ്രകാരം തുവരപ്പരിപ്പ്, മുളക്, കടല, ഉഴുന്ന്, വൻപയർ എന്നീ സബ്സിഡി സാധനങ്ങളുടെ വില ഇന്നുമുതൽ (ഏപ്രിൽ 11) കുറയും.
വൻകടല 65 രൂപ, ഉഴുന്ന് 90 രൂപ, വൻപയർ 75 രൂപ, തുവരപ്പരിപ്പ് 105 രൂപ, മുളക് 500 ഗ്രാമിന് 57.75 രൂപ എന്നിങ്ങനെയാണ് സപ്ലൈകോ വില്പനശാലകളിൽ ജിഎസ്ടി അടക്കമുള്ള സബ്സിഡി സാധനങ്ങളുടെ ഇന്നു മുതലുള്ള വില. നേരത്തെ ഇത് കിലോഗ്രാമിന് യഥാക്രമം 69, 95, 79, 115, 68.25 എന്നിങ്ങനെയായിരുന്നു.
സബ്സിഡി സാധനങ്ങളുടെ വില
വൻകടല (ഒരു കിലോഗ്രാം) – 65 —
ചെറുപയർ (ഒരു കിലോഗ്രാം) — 90
ഉഴുന്ന് (ഒരു കിലോഗ്രാം) – 90
വൻപയർ (ഒരു കിലോഗ്രാം) — 75
തുവരപ്പരിപ്പ് (ഒരു കിലോഗ്രാം) — 105
മുളക്( 500ഗ്രാം) — 57.75
മല്ലി( 500ഗ്രാം) — 40.95
പഞ്ചസാര (ഒരു കിലോഗ്രാം) — 34.65
വെളിച്ചെണ്ണ ഒരു ലിറ്റർ പാക്കറ്റ് (സബ്സിഡി 500 എം എൽ+ നോൺ സബ്സിഡി 500 ml) — 240.45.
ജയ അരി (ഒരു കിലോഗ്രാം) — 33
കുറുവ അരി( ഒരു കിലോഗ്രാം) — 33
മട്ട അരി (ഒരു കിലോഗ്രാം) — 33
പച്ചരി (ഒരു കിലോഗ്രാം) — 29
