പാലക്കാട്: ബസ് കാത്തിരിപ്പു കേന്ദ്രത്തിലേക്ക് കാര് പാഞ്ഞുകയറി പത്തുപേര്ക്ക് പരിക്ക്. വടക്കഞ്ചേരി പുളിങ്കൂട്ടത്ത് വെള്ളിയാഴ്ച വൈകീട്ടോടെയായിരുന്നു അപകടം നടന്നത്. അപകടത്തിൽ പരിക്കേറ്റവരിൽ മൂന്നുപേരുടെ നില ഗുരുതരമാണ്.(Car rammed into bus waiting area; Ten people were injured)
ഗുരുതരാവസ്ഥയിലുള്ളവർ തൃശൂര് മെഡിക്കല് കോളജ് ആശുപത്രിയില് ചികിത്സയിലാണ്. മറ്റുള്ളവരെ പാലക്കാട് ജില്ലാ ആശുപത്രിയലില് പ്രവേശിപ്പിച്ചു. ജോലികഴിഞ്ഞ് മടങ്ങുകയായിരുന്ന നിര്മാണത്തൊഴിലാളികളാണ് അപകടത്തിൽപ്പെട്ടത്.
നിയന്ത്രണംവിട്ട കാര് ബസ് കാത്തിരിപ്പു കേന്ദ്രത്തിലേക്ക് പാഞ്ഞുകയറുകയായിരുന്നു. എട്ടുസ്ത്രീകള്ക്കും രണ്ട് പുരുഷന്മാര്ക്കുമാണ് പരിക്കേറ്റത്. ഇവരിൽ സുന്ദരന്, ധനലക്ഷ്മി, തങ്കമണി എന്നിവരാണ് തൃശൂര് മെഡിക്കല് കോളജില് ചികിത്സയിലുള്ളത്.
