പൊട്ടനാണോ ഇവൻ? തെളിയിക്കെടോ ഞാൻ ശബ്ദം കൊടുത്തിട്ടുണ്ടെന്നു: രോഷത്തോടെ ഭാഗ്യലക്ഷ്മി
ദിലീപ് നായകനായ ‘ഭഭബ’ സിനിമയിൽ താൻ ഡബ്ബ് ചെയ്തിട്ടില്ലെന്ന് വ്യക്തമാക്കി ഡബ്ബിംഗ് ആർട്ടിസ്റ്റ് ഭാഗ്യലക്ഷ്മി.
സിനിമയിൽ ഭാഗ്യലക്ഷ്മി ശബ്ദം നൽകിയെന്ന അവകാശവാദവുമായി ഒരു യുവാവ് പങ്കുവച്ച വീഡിയോ സമൂഹമാധ്യമങ്ങളിൽ വ്യാപകമായി പ്രചരിച്ചതിന് പിന്നാലെയാണ് വിശദീകരണവുമായി ഭാഗ്യലക്ഷ്മി രംഗത്തെത്തിയത്.
വീഡിയോയ്ക്ക് റീച്ച് നേടാനോ അല്ലെങ്കിൽ പണം വാങ്ങിയോ ഇത്തരം ചീപ്പ് പരിപാടികൾ നടത്തുന്നത് ചിലർക്കൊരു തൊഴിൽ ആയിരിക്കുകയാണെന്ന് അവർ തുറന്നടിച്ചു.
‘ഭഭബ’ സിനിമയിൽ താൻ ശബ്ദം നൽകിയിട്ടുണ്ടെന്ന് ആരോപിക്കുന്ന യുവാവിനെതിരെ രൂക്ഷമായ ഭാഷയിലാണ് ഭാഗ്യലക്ഷ്മി പ്രതികരിച്ചത്.
താൻ ഡബ്ബ് ചെയ്തിട്ടുണ്ടെന്ന് തെളിയിക്കാൻ ആവശ്യപ്പെട്ട അവർ, ബുദ്ധിയും ബോധവുമുള്ളവർ ഇത്തരം ആരോപണങ്ങൾ വിശ്വസിക്കില്ലെന്നും പറഞ്ഞു. പൊട്ടനാണോ ഇവൻ? തെളിയിക്കെടോ ഞാൻ ശബ്ദം കൊടുത്തിട്ടുണ്ടെന്നു.
വെറുതെ സ്വന്തം വിഡിയോയ്ക്ക് റീച്ച് കിട്ടാൻ വേണ്ടിയോ അല്ലെങ്കിൽ പണം വാങ്ങിയോ ഇത്തരം ചീപ്പ് പരിപാടി നടത്തുന്നതും നിങ്ങൾക്കൊരു തൊഴിലാണ്. ബുദ്ധിയും ബോധവും ഉള്ളവർ വിശ്വസിക്കില്ല.
അതി ജീവിതയുടെ വിഷയം ഇപ്പോൾ ഒരു സൈബർ യുദ്ധമായി മാറിയിരിക്കുന്നു.. എതിർ ഭാഗത്ത് ആയിരങ്ങളും
അതിജീവിതയുമായി ബന്ധപ്പെട്ട വിഷയം ഇപ്പോൾ ഒരു സൈബർ യുദ്ധമായി മാറിയിരിക്കുകയാണെന്നും, എതിർവശത്ത് ആയിരങ്ങൾ ഉണ്ടെങ്കിലും തങ്ങളുടെ ഭാഗത്ത് ലക്ഷക്കണക്കിന് ആളുകളുടെ പിന്തുണയുണ്ടെന്നത് വലിയ ആശ്വാസമാണെന്നും ഭാഗ്യലക്ഷ്മി വ്യക്തമാക്കി.
വിധിക്ക് മുമ്പ് അതിജീവിതയ്ക്കൊപ്പം 50 ശതമാനം പേർ മാത്രമുണ്ടായിരുന്നുവെങ്കിൽ, വിധിക്ക് ശേഷം സ്ത്രീ–പുരുഷ വ്യത്യാസമില്ലാതെ 99 ശതമാനം ആളുകളും അവളുടെ പക്ഷത്താണെന്ന് അവർ ചൂണ്ടിക്കാട്ടി.
ബാക്കി ഒരുശതമാനം മാത്രമാണ് പിആർ ടീം എന്നും, അവളെ പിന്തുണയ്ക്കുന്നവരെ തെറ്റിദ്ധരിപ്പിക്കാൻ വിവിധ ശ്രമങ്ങൾ നടക്കുന്നതായും ഭാഗ്യലക്ഷ്മി ആരോപിച്ചു.
സോഷ്യൽ മീഡിയയിൽ ദിനംപ്രതി ലഭിക്കുന്ന പിന്തുണയ്ക്കും സന്ദേശങ്ങൾക്കും നന്ദി അറിയിച്ച ഭാഗ്യലക്ഷ്മി, ഈ സ്നേഹവും പിന്തുണയും തുടർന്നും ഉണ്ടാകണമെന്ന് ആഗ്രഹിക്കുന്നുവെന്നും പറഞ്ഞു.
ചിലരുടെ അധിക്ഷേപങ്ങൾ കേട്ട് തളരരുതെന്നും, ഭയം കൊണ്ടാണ് അവർ തെറി വിളിക്കുന്നതെന്നും അവർ കൂട്ടിച്ചേർത്തു.
അവസാനമായി, താൻ കുറച്ചുകാലത്തേക്ക് സോഷ്യൽ മീഡിയയിൽ നിന്ന് മാറിനിൽക്കാൻ തീരുമാനിച്ചതായും, മനസ്സ് നെഗറ്റീവ് ആവാതിരിക്കാൻ അതാവശ്യമായതിനാലാണിതെന്നും ഭാഗ്യലക്ഷ്മി വ്യക്തമാക്കി.
“എന്നും എപ്പോഴും അവളോടൊപ്പം തന്നെയാണ്” എന്ന വാക്കുകളോടെയാണ് അവർ പ്രതികരണം അവസാനിപ്പിച്ചത്.
English Summary
Dubbing artist Bhagyalakshmi clarified that she has not lent her voice to Dileep’s film Bh Bh Ba, dismissing viral claims circulating on social media. She strongly criticized those spreading such allegations for attention or money, calling it a “cheap practice.” Bhagyalakshmi said the issue has turned into a cyber war but emphasized that overwhelming public support remains with the survivor. She also announced that she would temporarily step away from social media to protect her mental well-being.
bhagyalakshmi-denies-dubbing-in-dileep-film-bhbhba-slams-viral-claims
Bhagyalakshmi, Bh Bh Ba, Dileep movie, Malayalam cinema, social media controversy, viral video, dubbing artist, cyber abuse
