ഇടുക്കി കട്ടപ്പന നഗര മധ്യത്തിൽ മദ്യലഹരിയില് യുവാവ് കാര് നടുറോഡില് പാര്ക്ക് ചെയ്ത് കാറിൽ കിടന്ന് ഉറങ്ങി. കട്ടപ്പന ബെവ്കോ ഔട്ട്ലെറ്റിലെ ജീവനക്കാരനായ പാറക്കടവ് സ്വദേശി ഷൈന്മോന് ഉണ്ണിയാണ് നഗരം തന്നെ ഏറെ നേരം സ്തംഭിപ്പിച്ചത്.
വ്യാഴാഴ്ച രാവിലെയാണ് സംഭവം. കാര് അലക്ഷ്യമായി പാര്ക്ക് ചെയ്ത് ഇയാള് ഉറങ്ങിയതോടെ നഗരത്തില് ഒട്ടേറെ വാഹനങ്ങള് കുടുങ്ങി. ഇതിനിടെ ബസിലും കാര് തട്ടി. പലരും കാറിന്റെ ഡോറില് തട്ടി വിളിച്ച് എഴുന്നേല്പ്പിക്കാന് ശ്രമിച്ചെങ്കിലും ഫലമുണ്ടായില്ല.
സ്ഥലത്തുണ്ടായിരുന്നവര് വാഹനം റോഡരികിലേക്ക് തള്ളിനീക്കിയ ശേഷം പോലീസിൽ അറിയിച്ചു. പോലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു.
