കൊച്ചി: ആറാട്ടണ്ണന് എന്നറിയപ്പെടുന്ന സന്തോഷ് വര്ക്കിയെ കോടതി റിമാന്ഡ് ചെയ്തു. സമൂഹമാധ്യമങ്ങളിലൂടെ അപമാനിച്ചെന്ന നടിമാരുടെ പരാതിയിൽ കൊച്ചി നോര്ത്ത് പോലീസ് സന്തോഷിനെ അറസ്റ്റ് ചെയ്തിരുന്നു. ജാമ്യമില്ലാ വകുപ്പ് പ്രകാരമായിരുന്നു അറസ്റ്റ് രേഖപ്പെടുത്തിയത്.
നടി ഉഷാ ഹസീന, ചലച്ചിത്ര പ്രവര്ത്തകരായ ഭാഗ്യലക്ഷ്മി, കുക്കു പരമേശ്വരന് തുടങ്ങിയവരാണ് സന്തോഷ് വര്ക്കിക്കെതിരെ പോലീസിൽ പരാതി നല്കിയത്. സമൂഹമാധ്യമങ്ങളിലൂടെ സന്തോഷ് വര്ക്കിയുടെ നിരന്തരമുളള പരാമര്ശങ്ങള് സ്ത്രീത്വത്തെ അപമാനിക്കുന്നതാണെന്ന് ചൂണ്ടികാട്ടിയായിരുന്നു നടിമാർ പരാതി നൽകിയത്.
ആലപ്പുഴ ഡിവൈഎസ്പിക്കായിരുന്നു നടി ഉഷ ഹസീന പരാതി നല്കിയത്. 40 വര്ഷത്തോളമായി സിനിമാ മേഖലയില് പ്രവര്ത്തിക്കുന്ന തന്നെ ആറാട്ടണ്ണന്റെ പരാമര്ശം വ്യക്തിപരമായി വേദനിപ്പിച്ചുവെന്ന് ഉഷ പരാതിയില് പറഞ്ഞിരുന്നു. നടിമാര്ക്കെതിരായ പരാമര്ശം സ്ത്രീത്വത്തെ അപമാനിക്കുന്നതാണെന്നും ഉഷ ഹസീനയുടെ പരാതിയില് ചൂണ്ടിക്കാട്ടിയിരുന്നു.
സിനിമാ മേഖലയില് പ്രവര്ത്തിക്കുന്ന സ്ത്രീകളെല്ലാം മോശം സ്വഭാവക്കാരാണ് എന്നായിരുന്നു സന്തോഷ് വര്ക്കി പരാമര്ശം നടത്തിയത്. നേരത്തെയും സമൂഹമാധ്യമങ്ങളിലൂടെ നടിമാര്ക്കെതിരെ ഇയാള് മോശം പരാമര്ശങ്ങള് നടത്തിയിട്ടുണ്ട്. നടി നിത്യാ മേനോനെ വിവാഹം കഴിക്കണമെന്ന് ആവശ്യപ്പെട്ട് ശല്യപ്പെടുത്തിയതിന് നേരത്തെ ഇയാളെ പാലാരിവട്ടം പൊലീസ് താക്കീത് ചെയ്ത് വിട്ടയച്ചിരുന്നതാണ്.
