വിവാഹവാഗ്ദാനം… ഒരേസമയം രണ്ട് ബന്ധങ്ങൾ… പണം തട്ടിപ്പ്… ലൈംഗിക പീഡനം!
തൃശൂർ:
വിവാഹവാഗ്ദാനം നൽകി ഒരേസമയം രണ്ട് യുവതികളെ വഞ്ചിക്കുകയും പീഡിപ്പിക്കുകയും ചെയ്തെന്ന പരാതിയിൽ ജിം ട്രെയിനർ അറസ്റ്റിലായ സംഭവത്തിൽ കൂടുതൽ നിർണായക വിവരങ്ങൾ പുറത്തുവന്നു.
വിവാഹവാഗ്ദാനം നൽകി രണ്ട് യുവതികളുമായി ഒരേസമയം ബന്ധം പുലർത്തുകയും, ലൈംഗികമായി ചൂഷണം ചെയ്യുകയും ചെയ്തെന്ന പരാതിയിൽ ജിം ട്രെയിനർ അറസ്റ്റിലായ സംഭവത്തിൽ കൂടുതൽ വിവരങ്ങൾ അന്വേഷണത്തിൽ വ്യക്തമായി.
തൃശൂർ ചേർപ്പ് സ്വദേശിയായ
അജ്മൽ എന്ന യുവാവിനെയാണ്
നെടുപുഴ പൊലീസ് സ്റ്റേഷൻ കസ്റ്റഡിയിലെടുത്തത്.
കുറുക്കഞ്ചേരി – കണിമംഗലം മേഖലകളിൽ പ്രവർത്തിക്കുന്ന ഫിറ്റ്നസ് സെന്ററിന്റെ പരിശീലകനും നടത്തിപ്പുകാരനുമാണ് അജ്മൽ.
ഫിറ്റ്നസ് പരിശീലനത്തിനിടെ പരിചയപ്പെട്ട രണ്ട് യുവതികളോടും ഒരേസമയം അടുപ്പം പുലർത്തിയ അജ്മൽ, ഇരുവർക്കും വിവാഹവാഗ്ദാനം നൽകി വഞ്ചിച്ചതായാണ് പൊലീസ് പറയുന്നത്. ഇരുവരും തമ്മിൽ പരസ്പരം ഇക്കാര്യം അറിയാതെയായിരുന്നു ബന്ധം തുടരുന്നത്. അടുത്തിടെയാണ് തങ്ങളെ കബളിപ്പിച്ച വിവരം ഇരുവരും തിരിച്ചറിഞ്ഞത്. തുടർന്ന് ഇരുവരും പൊലീസിൽ പരാതി നൽകുകയായിരുന്നു.
പരാതിക്കാരികളിൽ ഒരാൾ വിവാഹിതയും മറ്റൊരാൾ അവിവാഹിതയുമാണ്. വിവാഹിതയായ യുവതിയിൽ നിന്ന് ബിസിനസ് പങ്കാളിത്തം വാഗ്ദാനം ചെയ്ത് അഞ്ച് ലക്ഷത്തിലധികം രൂപ അജ്മൽ കൈപ്പറ്റിയതായും പരാതിയിൽ പറയുന്നു.
ബന്ധം തുടരുന്നതിനിടെയാണ് ഇയാൾ അവിവാഹിതയായ മറ്റൊരു യുവതിയുമായും അടുത്ത ബന്ധം സ്ഥാപിച്ചത്. ഫിറ്റ്നസ് സെന്ററിന്റെ പേരിൽ സംഘടിപ്പിച്ച വിനോദയാത്രയ്ക്കിടെ
കൊടൈക്കനാൽ വെച്ചാണ് യുവതിയെ പീഡിപ്പിച്ചതെന്നും പരാതിയിൽ വ്യക്തമാക്കുന്നു.
കൂടാതെ യുവതികളിൽ ഒരാൾക്ക് മദ്യം നൽകി അതിക്രമം നടത്തിയതായും പരാതിയിൽ പറയുന്നു.
അജ്മലിനെതിരേ നേരത്തെ തന്നെ ചേർപ്പ് പൊലീസ് സ്റ്റേഷൻ പരിധിയിൽ സമാന സ്വഭാവത്തിലുള്ള കേസ് രജിസ്റ്റർ ചെയ്തിട്ടുണ്ടെന്നും, വിവാഹവാഗ്ദാനം നൽകി പീഡിപ്പിച്ചെന്ന കേസിൽ മുൻപും ഇയാൾ പ്രതിയായിരുന്നുവെന്നും പൊലീസ് അറിയിച്ചു.
കേസിൽ വിശദമായ അന്വേഷണം തുടരുകയാണെന്ന്
കേരള പൊലീസ് അറിയിച്ചു.
സമീപകാലങ്ങളിൽ ഫിറ്റ്നസ് സെന്ററുകൾ, പരിശീലന സ്ഥാപനങ്ങൾ എന്നിവ കേന്ദ്രീകരിച്ച് പരിചയപ്പെടുന്ന സ്ത്രീകളെ ലക്ഷ്യമാക്കി വിവാഹവാഗ്ദാനവും സാമ്പത്തിക വാഗ്ദാനങ്ങളും നൽകി പീഡനത്തിനും തട്ടിപ്പിനും ശ്രമിക്കുന്ന പരാതികൾ വർധിക്കുന്ന സാഹചര്യത്തിലാണ് ഈ കേസ്.
English Summary
A gym trainer from Cherpu in Thrissur was arrested for allegedly cheating and sexually exploiting two women simultaneously by promising marriage. Police said he maintained relationships with both women without their knowledge, collected over ₹5 lakh from one of them in the name of business partnership, and allegedly assaulted one woman during a trip to Kodaikanal. The accused had earlier faced a similar case at the Cherpu Police Station. A detailed investigation is underway.
