ദേശീയ പാത നിർമ്മാണത്തിനിടെ പഴയ റോഡ് ഇടിഞ്ഞ് താഴ്ന്ന് അപകടം. കൊല്ലം കല്ലുന്താഴത്ത് റെയില്വെ ഓവര് ബ്രിഡ്ജിനോട് ചേര്ന്ന പഴയ റോഡാണ് ഇടിഞ്ഞുതാഴ്ന്നത്. ഇന്ന് വൈകിട്ട് ആറോടെയാണ് അപകടമുണ്ടായത്. വലിയ ശബ്ദത്തോടെ റോഡ് ഇടിഞ്ഞുതാഴുകയായിരുന്നു. റോഡിന് സമീപത്തെ കോണ്ക്രീറ്റ് ഉള്പ്പെടെയാണ് തകർന്ന് വീണത്.
ഈസമയം സമീപത്തെ റോഡിലൂടെ വാഹനങ്ങള് കടന്ന് പോകുന്നുണ്ടായിരുന്നെങ്കിലും തലനാരിഴയ്ക്ക് രക്ഷപെടുകയായിരുന്നു. കൊല്ലത്ത് ദേശീയ പാത വികസനത്തിന്റെ ഭാഗമായുള്ള നിര്മ്മണത്തിനിടെയാണ് അപകടം സംഭവിച്ചത്.
വലിയ ശബ്ദത്തോടെ സംരക്ഷണ ഭിത്തിയടക്കം ഇടിഞ്ഞു താഴ്ന്നു. റോഡ് ഇടിയുമ്പോള് സമീപത്തുകൂടെ വാഹനങ്ങള് കടന്നുപോകുന്നുണ്ടായിരുന്നു. മണ്ണിടിഞ്ഞു വീണ സ്ഥലത്ത് ഈ സമയം വാഹനങ്ങളും നിര്മ്മാണ തൊഴിലാളികളും ഇല്ലാതിരുന്നത് വലിയ ഒരു ദുരന്തം ഒഴിവായി.
