ശബരിമലയിൽ നടന്നത് വൻ കൊള്ള! പ്രതികളെ രക്ഷിക്കാൻ പിണറായി സർക്കാർ ഒത്തുകളിക്കുന്നു; കേന്ദ്ര ഏജൻസി വരണമെന്ന് അമിത് ഷാ

തിരുവനന്തപുരം: കേരളത്തിന്റെ രാഷ്ട്രീയ മണ്ഡലത്തെ പിടിച്ചുലയ്ക്കുന്ന പ്രസ്താവനയുമായി കേന്ദ്ര ആഭ്യന്തര മന്ത്രി അമിത് ഷാ.

ശബരിമലയിലെ സ്വർണ്ണക്കവർച്ചയിൽ സംസ്ഥാന സർക്കാരിനെതിരെ ആഞ്ഞടിച്ച അദ്ദേഹം, കേസ് അട്ടിമറിക്കാൻ ഗൂഢാലോചന നടക്കുന്നുണ്ടെന്നും അതിനാൽ ഒരു സ്വതന്ത്ര ഏജൻസി അന്വേഷണം ഏറ്റെടുക്കണമെന്നും ആവശ്യപ്പെട്ടു.

കേരള സന്ദർശനത്തിനിടെ ബിജെപിയുടെ ജനപ്രതിനിധികളെ അഭിസംബോധന ചെയ്യുകയായിരുന്നു അദ്ദേഹം.

ഭക്തരുടെ വിശ്വാസത്തെ തകർക്കുന്ന സ്വർണ്ണക്കൊള്ള; സംസ്ഥാന സർക്കാർ പരാജയപ്പെട്ടെന്ന് കേന്ദ്രം

ശബരിമലയുടെ പവിത്രതയ്ക്കും ഭക്തരുടെ വിശ്വാസത്തിനും ഏൽക്കുന്ന കനത്ത ആഘാതമാണ് ഈ സ്വർണ്ണ മോഷണമെന്ന് അമിത് ഷാ പറഞ്ഞു.

അയ്യപ്പന്റെ സ്വത്തുക്കൾ സംരക്ഷിക്കാൻ കഴിയാത്ത ഒരു സർക്കാരിന് എങ്ങനെയാണ് ജനങ്ങളുടെ വിശ്വാസം സംരക്ഷിക്കാൻ കഴിയുകയെന്ന് അദ്ദേഹം ചോദിച്ചു.

ഇത് വെറുമൊരു മോഷണമല്ലെന്നും, കോടിക്കണക്കിന് വരുന്ന അയ്യപ്പഭക്തരുടെ വികാരങ്ങളെ മുറിപ്പെടുത്തുന്ന കാര്യമാണെന്നും അദ്ദേഹം ഓർമ്മിപ്പിച്ചു.

പ്രതികളെ രക്ഷിക്കാൻ പോലീസ് ഒത്തുകളിക്കുന്നു; എഫ്.ഐ.ആർ തയ്യാറാക്കിയത് അട്ടിമറി ലക്ഷ്യമിട്ട്!

കേസിലെ എഫ്.ഐ.ആർ (FIR) പരിശോധിച്ചതിൽ നിന്നും ഞെട്ടിക്കുന്ന വിവരങ്ങളാണ് പുറത്തുവരുന്നത്.

പ്രതികളെ സംരക്ഷിക്കാൻ പാകത്തിലാണ് പോലീസ് റിപ്പോർട്ട് തയ്യാറാക്കിയിരിക്കുന്നത്. എൽ.ഡി.എഫുമായി അടുത്ത ബന്ധമുള്ള രണ്ട് പ്രമുഖർ ഈ കേസിൽ സംശയത്തിന്റെ നിഴലിലാണ്.

അത്തരമൊരു സാഹചര്യത്തിൽ മുഖ്യമന്ത്രിയുടെ കീഴിലുള്ള പോലീസ് അന്വേഷിച്ചാൽ സത്യം പുറത്തുവരില്ലെന്നും,

അട്ടിമറി തടയാൻ സ്വതന്ത്ര അന്വേഷണം അനിവാര്യമാണെന്നും അമിത് ഷാ വ്യക്തമാക്കി.

“പറയാനല്ല, ചെയ്യാനായിരുന്നു ഉണ്ടായിരുന്നത്. അത് പാർട്ടി നേരത്തെ തന്നെ ചെയ്തിട്ടുണ്ട്, നോ കമന്റ്സ്; രാഹുൽ മാങ്കൂട്ടത്തിലിന്റെ അറസ്റ്റിൽ വി.ഡി സതീശൻ

എൽ.ഡി.എഫ് – യു.ഡി.എഫ് ഒത്തൂതീർപ്പ് രാഷ്ട്രീയം; കോൺഗ്രസ് നേതാക്കൾക്കും തട്ടിപ്പിൽ പങ്ക്?

കേരളത്തിലെ ഇരു മുന്നണികളും തമ്മിൽ രഹസ്യ ധാരണയുണ്ടെന്ന് അമിത് ഷാ ആരോപിച്ചു. ശബരിമല വിഷയത്തിൽ കോൺഗ്രസിനും മൗനം പാലിക്കാൻ കഴിയില്ല.

കോൺഗ്രസ് നേതാക്കളെ ഈ തട്ടിപ്പുമായി ബന്ധിപ്പിക്കുന്ന തെളിവുകൾ പുറത്തുവന്നിട്ടുണ്ട്.

കമ്മ്യൂണിസവും കോൺഗ്രസും ലോകത്തുനിന്നും ഇന്ത്യയിൽ നിന്നും അവസാനിച്ചു കഴിഞ്ഞു.

ഇവർ തമ്മിലുള്ള ഒത്തൂതീർപ്പ് രാഷ്ട്രീയം കേരളത്തിന്റെ വികസനത്തിന് തടസ്സമാണെന്നും അദ്ദേഹം കുറ്റപ്പെടുത്തി.

ബിജെപി മുഖ്യമന്ത്രി വരും; കേരളത്തിന്റെ വികസനത്തിനായി തെരുവിലിറങ്ങി പ്രതിഷേധിക്കാൻ ആഹ്വാനം

സംസ്ഥാനത്തിന്റെ തലസ്ഥാനത്ത് ബിജെപി മേയർ വന്നത് ഒരു മാറ്റത്തിന്റെ സൂചന മാത്രമാണ്.

അടുത്ത ലക്ഷ്യം ബിജെപിയുടെ മുഖ്യമന്ത്രിയെ കേരളത്തിൽ അധികാരത്തിലേറ്റുക എന്നതാണ്.

ശബരിമല കേസിലെ സത്യം പുറത്തുകൊണ്ടുവരാൻ ബിജെപി പ്രവർത്തകർ വീടുവീടാന്തരം പ്രചാരണം നടത്തുമെന്നും അമിത് ഷാ പ്രഖ്യാപിച്ചു.

English Summary

In a scathing attack on the Kerala government, Union Home Minister Amit Shah demanded a probe by an independent agency into the Sabarimala gold theft case. He alleged that the FIR was intentionally weakened to protect influential suspects linked to the LDF. Shah further claimed a nexus between LDF and UDF leaders in the scam, asserting that only a BJP-led government can ensure justice and development in Kerala.