‘ആക്ഷൻ ഹീറോ ബിജു’ താരം ‘അൽകു’ പിടിയിൽ; കാറിൽ കടത്തിയത് 52 ലിറ്റർ മദ്യം!
കൊച്ചി: ‘ആക്ഷൻ ഹീറോ ബിജു’ സിനിമയിൽ ശ്രദ്ധേയമായ ചെറിയ വേഷം ചെയ്ത ‘അൽകു’ എന്നറിയപ്പെടുന്ന ഷഫീഖ് 52 ലീറ്റർ മദ്യവുമായി എക്സൈസ് പിടിയിൽ.
15 ലീറ്റർ ഇന്ത്യൻ നിർമിത വിദേശ മദ്യവും 58 ബോട്ടിൽ (37.7 ലീറ്റർ) ബിയറും ഇയാളിൽ നിന്ന് കണ്ടെത്തി.
രാത്രി 12ന് ശേഷം ആവശ്യക്കാർക്ക് മദ്യം എത്തിച്ചു നൽകിയിരുന്ന ഇയാളെ എറണാകുളം എക്സൈസ് റേഞ്ച് ഇൻസ്പെക്ടറുടെ നേതൃത്വത്തിൽ നടത്തിയ പരിശോധനയിലാണ് പിടികൂടിയത്.
തിരൂരങ്ങാടി സ്വദേശിയായ ഷഫീഖ് നിരവധി സിനിമകളിൽ ജൂനിയർ ആർട്ടിസ്റ്റായി അഭിനയിച്ചിട്ടുണ്ട്. മദ്യവിൽപനയിലൂടെ ലഭിച്ച പേരാണ് ‘അൽകു’.
എറണാകുളം നഗരത്തിൽ രാത്രിയോടെ മദ്യം ആവശ്യമായവരെ കണ്ടെത്തി സ്വന്തം വാഹനത്തിൽ എത്തിച്ചു നൽകുന്നതായിരുന്നു ഇയാളുടെ രീതി. ഇതിനുപയോഗിച്ച കാർ എക്സൈസ് സംഘം കസ്റ്റഡിയിൽ എടുത്തു.
അനുശ്രീ നായികയായ ‘ഓട്ടോർഷ’ എന്ന ചിത്രത്തിലൂടെയാണ് ഷഫീഖ് സിനിമയിൽ അരങ്ങേറ്റം കുറിച്ചത്.
ഒരിക്കൽ പെട്ടിയടിക്കുന്നതിനിടെ പൊലീസ് ഉദ്യോഗസ്ഥനൊപ്പം എടുത്ത സെൽഫി സമൂഹമാധ്യമങ്ങളിൽ വൈറലായതോടെയാണ് സിനിമയിൽ അവസരം ലഭിച്ചതെന്നതാണ് പ്രത്യേകത.
English Summary:
Junior artist Shafeeq, known as “Alku” from Action Hero Biju, was arrested in Kochi with 52 litres of liquor for illegal late-night delivery.
alku-shafeeq-liquor-arrest
Shafeeq, Action Hero Biju, Liquor Seizure, Kochi, Excise Arrest
