പി വി അന്വറിന്റെ രാഷ്ട്രീയ വളര്ച്ചയില് നിര്ണായക സ്വാധീനം അദ്ദേഹത്തിന്റെ സോഷ്യല് മീഡിയയിലെ ഇടപെടലിന് ഉണ്ടായിരുന്നു. എന്നാൽ, പിവി അന്വറിന്റെ ഫേസ്ബുക്ക് പേജ് കൈകാര്യം ചെയ്യുന്നതില് നിന്ന് ഒഴിയുന്നുവെന്ന് വ്യക്തമാക്കിയിരിക്കുകയാണ് അഡ്മിന് കെഎസ് സലിത്ത്. Admin withdrew from managing PV Anwar’s Facebook page
ഒരുപാട് കഷ്ടപ്പെട്ട് വളര്ത്തിയ ഒരു കട പൂട്ടി പോകേണ്ടി വരുന്നതില് നല്ല മാനസികസംഘര്ഷമുണ്ടെന്നും പാര്ട്ടിക്കൊപ്പം മാത്രമാണെന്നും സലിത്ത് ഫേസ്ബുക്കില് കുറിച്ചു.
സലിത്തിന്റെ ഫേസ്ബുക്ക് പോസ്റ്റ്:
ഓരോ വ്യക്തികള്ക്കും അവരുടേതായ വ്യക്തി സ്വാതന്ത്ര്യവും, രാഷ്ട്രീയനിലപാടുകളും ഉണ്ട്. അങ്ങനെ ഒരേ നിലപാടുള്ള കാലത്ത്,ആശയപരമായും മാനസികമായും പലരോടും നമ്മള് ഐക്യപ്പെട്ടെന്നിരിക്കും. അതേ ചെയ്തിട്ടുള്ളൂ എന്ന ബോധ്യം എനിക്കുണ്ട്.
അവര്ക്കൊപ്പം നിന്ന് പറഞ്ഞതൊക്കെയും എന്റെ കൂടി രാഷ്ട്രീയബോധ്യങ്ങളാണ്. ആ അഭിപ്രായങ്ങള് പ്രകടിപ്പിക്കാന് ഒരു സ്ക്രീനിംഗുമില്ലാതെ വേദി തന്നു എന്നത് പറയാതിരിക്കാന് പറ്റില്ല. എന്റെ ബോധ്യങ്ങളില് അന്നും ഇന്നും അണുവിട മാറ്റമില്ല. ഇത് ഇവിടെ പറയാതിരിക്കാം. നിശബ്ദനായിരിക്കാം.
പക്ഷേ, ഈ വ്യക്തിബന്ധത്തെയും സ്വാധീനിച്ചത് എല്ലാത്തിലുമുപരി സമാന ചിന്താഗതിയായിരുന്നു. ഇന്ന് അത് ഉണ്ടെന്ന് എനിക്ക് എന്റെ ബോധ്യത്തില് തോന്നുന്നില്ല. ഒരുപാട് കഷ്ടപ്പെട്ട് നമ്മള് കൂടി വളര്ത്തിയ ഒരു കട പൂട്ടി പോകേണ്ടി വരുന്നതില് നല്ല മാനസികസംഘര്ഷമുണ്ട്.മറ്റാര്ക്കും ഊഹിക്കാന് കഴിയുന്നതിലും അപ്പുറം. പാര്ട്ടിക്കൊപ്പമാണ്. പാര്ട്ടിക്കൊപ്പം മാത്രമാണ് – സലിത്ത് കുറിച്ചു.
