കണ്ണൂര്: എഡിഎം നവീന് ബാബുവിൻ്റെ മരണത്തെ തുടർന്ന് ആത്മഹത്യാ പ്രേരണ കുറ്റം ചുമത്തിയെടുത്ത കേസിലെ പ്രതി പി പി ദിവ്യയെ റിമാന്ഡ് ചെയ്തു. രണ്ടാഴ്ചത്തേക്കാണ് മജിസ്ട്രേറ്റ് ദിവ്യയെ റിമാന്ഡ് ചെയ്തത്. പള്ളിക്കുന്നിലെ വനിത ജയിലിലേക്ക് ദിവ്യയെ മറ്റും.(ADM Naveen babu’s death; pp divya remanded)
അതേസമയം, പി പി ദിവ്യ നാളെ തലശ്ശേരി സെഷന്സ് കോടതിയില് ജാമ്യ ഹര്ജി നല്കും. കനത്ത പൊലീസ് സന്നാഹത്തോടെയാണ് ദിവ്യയെ തളിപ്പറമ്പ് മജിസ്ട്രേറ്റിന്റെ വീട്ടില് ഹാജരാക്കിയത്. മജിസ്ട്രേറ്റിന്റെ വീടിന് മുന്നില് യൂത്ത് കോണ്ഗ്രസ്, യുവ മോര്ച്ച പ്രവര്ത്തകര് പ്രതിഷേധം നടത്തിയിരുന്നു.
കേസിൽ മുൻകൂർ ജാമ്യ ഹർജി തലശേരി പ്രിൻസിപ്പൽ സെഷൻസ് കോടതി തള്ളിയതിന് പിന്നാലെയാണ് പി പി ദിവ്യ കീഴടങ്ങിയത്. കണ്ണപുരത്തുവച്ചാണ് ദിവ്യയെ പൊലീസ് കസ്റ്റഡിയില് എടുത്തത്. എഡിഎം നവീന് ബാബു മരിച്ച് പതിനാലാം ദിവസമാണ് ദിവ്യ പൊലീസ് കസ്റ്റഡിയിലാകുന്നത്.
