പാലക്കാട്: ആറാം ക്ലാസുകാരിയെ വീട്ടില് മരിച്ച നിലയില് കണ്ടെത്തി. പാലക്കാട് ചിറ്റൂരിലാണ് സംഭവം. അഞ്ചാംമൈല് അയോധ്യ നഗറില് വടിവേലു- രതിക ദമ്പതികളുടെ ഇളയ മകള് അനാമിക(11)യാണ് മരിച്ചത്.
വീടിനുള്ളില് സാരിയില് തൂങ്ങിമരിച്ച നിലയിലാണ് കുട്ടിയെ കണ്ടെത്തിയത്. ചിറ്റൂര് വിക്ടോറിയ ഗേള്സ് ഹയര് സെക്കന്ഡറി സ്കൂളിലെ ആറാം ക്ലാസ് വിദ്യാര്ഥിയാണ് അനാമിക. മൃതദേഹം ജില്ലാശുപത്രി മോര്ച്ചറിയില് സൂക്ഷിച്ചിരിക്കുകയാണ്.
സൈനിക സ്കൂൾ ഹോസ്റ്റലിൽ നിന്ന് 13 കാരനെ കാണാതായിട്ട് അഞ്ചു ദിവസം; രക്ഷപ്പെട്ടത് അതിസാഹസികമായി
കോഴിക്കോട്: കോഴിക്കോട് വേദവ്യാസ സൈനിക സ്കൂൾ ഹോസ്റ്റലിൽ നിന്ന് രക്ഷപ്പെട്ട 13 കാരൻ സൻസ്കാർ കുമാറിനെ ഇതുവരെ കണ്ടെത്താനായില്ല. ബീഹാർ സ്വദേശിയായ വിദ്യാർത്ഥി അഞ്ചു ദിവസം മുൻപാണ് ചാടി പോയത്.
പുലർച്ചെ ഒരു മണിയോടെയാണ് കുട്ടി രക്ഷപ്പെട്ടത്. ഹോസ്റ്റലിന്റെ ഒന്നാം നിലയിൽ നിന്നും കേബിളിൽ പിടിച്ചിറങ്ങിയ കുട്ടി താഴേക്ക് എറിഞ്ഞ കിടക്കയിലേക്ക് ചാടിയാണ് പുറത്തേക്ക് കടന്നത്. കുട്ടി കേരളം വിട്ടു എന്നതിന്റെ അടിസ്ഥാനത്തിൽ പുണെ, ജാർഖണ്ട് എന്നിവിടങ്ങളിലേക്കും പൊലീസ് അന്വേഷണം വ്യാപിപ്പിച്ചിട്ടുണ്ട്.
