പാലക്കാട്: ഇറച്ചിക്കടയിൽ വിൽപനക്കായി കൊണ്ടുവന്ന കോഴിയ്ക്ക് നാല് കാൽ കണ്ടെത്തിയത് അത്ഭുതമായി. പാലക്കാട് മണ്ണാർക്കാട് ആണ് സംഭവം. മണ്ണാർക്കാട് സി പി എം ഓഫീസിന് സമീപത്തുള്ള അലിഫ് ചിക്കൻ സ്റ്റാളിലാണ് നാല് കാലുള്ള കോഴി എത്തിയത്.
കോഴിയെ കാണാൻ നിരവധിപേരാണ് കടയിലെത്തിയത്. രണ്ടു ദിവസം മുൻപ് കോഴി ഫാമിൽ നിന്നും വിൽപ്പനക്കെത്തിയ കോഴികളിൽ ഒരു കോഴിക്കാണ് നാല് കാലുള്ളത് കടയുടമകളുടെ ശ്രദ്ധയിൽപ്പെട്ടത്. നിരവധിപേർ കോഴിയെ വിൽക്കുന്നുണ്ടോ എന്ന ആവശ്യവുമായി ഇവരെ സമീപിച്ചിരുന്നു.
എന്നാൽ കടയുടമകളായ ഷുക്കൂറും, റിഷാദും കോഴിയെ വിൽക്കുന്നില്ല എന്ന തീരുമാനത്തിലാണ്. നാലുകാലുള്ള കോഴിയെ വളർത്താനാണ് തീരുമാനമെന്നും ഇവർ പറഞ്ഞു.
549 കോടി രൂപ നഷ്ടപരിഹാരത്തിന് അർഹതയുണ്ട്; എൽസ്റ്റൺ എസ്റ്റേറ്റ് വീണ്ടും ഹൈക്കോടതിയിൽ
കൊച്ചി: വയനാട്മുണ്ടക്കൈ പുനരധിവാസത്തിലെ ഭൂമിയേറ്റുടുപ്പിൽ എൽസ്റ്റൺ എസ്റ്റേറ്റ് വീണ്ടും ഹൈക്കോടതിയെ സമീപിച്ചു. നിലവിലെ നഷ്ടപരിഹാരത്തുക കുറവെന്നും 549 കോടി രൂപ നഷ്ടപരിഹാരത്തിന് അർഹതയുണ്ടെന്നും ഹർജിയിൽ പറയുന്നു.
26 കോടി നഷ്ടപരിഹാരം പര്യാപ്തമല്ലെന്നും ഓരോ തേയിലച്ചെടിക്കും മരത്തിനും വില കണക്കാക്കണമെന്നും എൽസ്റ്റൺ എസ്റ്റേറ്റ് ആവശ്യമുന്നയിച്ചു നൽകിയ ഹർജി നാളെ ഹൈക്കോടതി പരിഗണിക്കും.
കഴിഞ്ഞ ദിവസമാണ് വയനാട് ദുരന്തബാധിതരുടെ പുനരധിവാസത്തിനായി എല്‍സ്റ്റണ്‍ എസ്റ്റേറ്റ് ഏറ്റെടുക്കാന്‍ സര്‍ക്കാരിന് ഹൈക്കോടതിയുടെ അനുമതി ലഭിച്ചത്.
