ലണ്ടൻ/കൊല്ലം∙ ഹൃദയാഘാതത്തെ തുടർന്ന് യുകെ മലയാളിയായ നഴ്സ് നാട്ടിൽ അന്തരിച്ചു. കിഴക്കേഭാഗം മാക്കുളം വടക്കേവീട്ടിൽ മാമ്മൻ വി. തോമസ് (മോൻസി–45) ആണ് മരിച്ചത്. കൊല്ലം പത്തനാപുരം വടക്കേത്തലയ്ക്കൽ കുടുംബാംഗമാണ്.
ചികിത്സയ്ക്കായി നാട്ടിൽ എത്തിയതായിരുന്നു. നവി മുംബൈ ടെർണ സ്പെഷലിറ്റി ഹോസ്പിറ്റൽ ആൻഡ് റിസർച്ച് സെന്ററിലെ നഴ്‌സായി ജോലി ചെയ്തിരുന്ന മാമ്മൻ 2019 ലാണ് കുടുംബസമേതം യുകെയിലേക്ക് കുടിയേറിയത്.
ഭാര്യ: നിമ്മി വർഗീസ്. മകൾ: മന്ന. പത്തനാപുരം സെന്റ് സ്റ്റീഫൻസ് സ്കൂളിലെ റിട്ടയർഡ് ഹെഡ്മാസ്റ്റർ ഐ. തോമസ്, പരേതയായ ശോശാമ്മ ദമ്പതികളുടെ മകനാണ്. സഹോദരങ്ങൾ: ജോൺ വി തോമസ് , ആനി തോമസ്. സംസ്കാരം വ്യാഴാഴ്ച രാവിലെ 9 മണിക്ക് ഭവനത്തിൽ ആരംഭിക്കുന്ന പൊതുദർശന ശുശ്രൂഷകൾക്ക് ശേഷം ഉച്ചയ്ക്ക് 2 ന് മാക്കുളം ഹെർമ്മോൺ ഓർത്തഡോക്സ് ചർച്ച് സെമിത്തേരിയിൽ നടക്കുമെന്ന് ബന്ധുക്കൾ അറിയിച്ചു. യുകെയിൽ നോർത്ത് വെസ്റ്റ് ലണ്ടനിലെ ഹെയ്‌സ് സെന്റ് മേരീസ് ഇന്ത്യൻ ഓർത്തഡോക്സ് ചർച്ചിലെ അംഗമാണ്.
