പാലക്കാട്: ഭാര്യയെ കൊലപ്പെടുത്തിയ ശേഷം മധ്യവയസ്കൻ സ്വയം വെടിയുതിർത്ത് മരിച്ചു. പാലക്കാട് വണ്ടാഴിയിലാണ് സംഭവം. വണ്ടാഴി ഏറാട്ടുകുളമ്പ് വീട്ടിൽ കൃഷ്ണകുമാർ (52) ആണ് മരിച്ചത്.
ഇന്ന് രാവിലെ വീട്ടിൽ വെച്ചായിരുന്നു സംഭവം നടന്നത്. കോയമ്പത്തൂരിലെ വീട്ടിൽ ഭാര്യ സംഗീതയെ കൊലപ്പെടുത്തിയ ശേഷം ഇയാൾ വണ്ടാഴിയിൽ എത്തി. തുടർന്ന് ആത്മഹത്യ ചെയ്യുകയായിരുന്നു.
വാഹനത്തിൽ ഉണ്ടായിരുന്ന പിസ്റ്റൾ ഉപയോഗിച്ചായിരുന്നു ഇയാൾ സ്വയം വെടിയുതിർത്തത്. കുടുംബ പ്രശ്നമാണ് കൊലപാതകത്തിലേക്ക് നയിച്ചത്.
