കോഴിക്കോട്: മാസപ്പിറവി ദൃശ്യമായതിനെ തുടര്ന്ന് കേരളത്തിൽ നാളെ റമദാൻ വ്രതം ആരംഭിക്കും. ഇന്ന് മാസപ്പിറവി കണ്ടതായി വിശ്വസനീയ വിവരം ലഭിച്ചതിനാല് നാളെ (മാര്ച്ച് രണ്ട്, ഞായറാഴ്ച) റമദാന് ഒന്നായിരിക്കുമെന്ന് ഖാസിമാർ അറിയിച്ചു. മാസപ്പിറവി കണ്ടതായി പാണക്കാട് സാദിഖലി ശിഹാബ് തങ്ങളും അറിയിച്ചു.
കോഴിക്കോട് വെള്ളയിൽ കടപ്പുറത്തും പൊന്നാനിയിലുമടക്കം മാസപ്പിറവി കണ്ടതായി ഖാസിമാര് അറിയിച്ചു. അതേസമയം
ഈ വര്ഷം ഗള്ഫ് രാജ്യങ്ങളില് ഒരുമിച്ചാണ് റമദാന് ആരംഭിച്ചത്. സൗദി അറേബ്യ, ഒമാന്, യുഎഇ, കുവൈറ്റ്, ബഹ്റൈന്, ഖത്തര് തുടങ്ങിയ ഗള്ഫ് രാജ്യങ്ങളില് ഇന്ന് മുതല് വ്രതാനുഷ്ഠാനം ആരംഭിച്ചു.
