കണ്ണൂര്: ആറളം ഫാമിൽ ദമ്പതികൾക്ക് നേരെ കാട്ടാനയുടെ ആക്രമണം. പതിമൂന്നാം ബ്ലോക്കിലെ ദമ്പതികൾക്ക് ആണ് കാട്ടാനയുടെ ആക്രമണത്തിൽ പരിക്കേറ്റത്. പുതുശ്ശേരി അമ്പിളി, ഭർത്താവ് ഷിജു എന്നിവർക്ക് നേരെയാണ് കാട്ടാനയുടെ ആക്രമണം നടന്നത്.
കോട്ടപ്പാറക്ക് സമീപത്ത് വെച്ചാണ് ആക്രമണം ഉണ്ടായത്. ഇരുചക്ര വാഹനത്തിൽ പണിക്ക് പോകുന്നതിനിടെ ഇരുവരും ആനയുടെ മുന്നില്പെടുകയായിരുന്നു. പരിക്കേറ്റ ഇരുവരേയും പേരാവൂർ താലൂക്ക് ആശുപത്രിയിൽ പ്രവേശിപ്പിച്ചു. ഇവരുടെ ബൈക്ക് ആന തകർത്തിട്ടുണ്ട്.
ആറളത്ത് ഈ മാസം 23 ന് കാട്ടാന ആക്രമണത്തില് ആദിവാസി ദമ്പതികള് കൊല്ലപ്പെട്ടിരുന്നു. ആറളം ഫാം ബ്ലോക്ക് 13 ലാണ് സംഭവം. വെള്ളി, ഭാര്യ ലീല എന്നിവരാണ് കൊല്ലപ്പെട്ടത്. ഇവരെ കശുവണ്ടി ശേഖരിക്കാൻ പോയപ്പോഴാണ് കാട്ടാന ചവിട്ടിക്കൊന്നത്.
