തെരുവുകൾ സുരക്ഷിതമാക്കാനും സമൂഹ വിരുദ്ധരെ നിയന്ത്രിക്കാനും പുതിയ ബില്ലുകൾ കൊണ്ടുവന്ന് യു.കെ.കുറ്റകൃത്യങ്ങളും പോലീസിങ്ങും സംബന്ധിക്കുന്ന ബിൽ വർഷാവസാനത്തോടെ നിയമമാകുമെന്നാണ് റിപ്പോർട്ടുകൾ.
പോലീസിന് കൂടുതൽ അധികാരം നൽകുന്നവയാണ് ബില്ലുകൾ. ബിൽ നിയമമാകുന്നതോടെ മോഷ്ടിച്ച ഫോണുകൾ കണ്ടെടുക്കാൻ പോലീസിന് വാറന്റില്ലാതെ വീടുകളിൽ തിരച്ചിൽ നടത്താം.
നമ്മുടെ തെരുവുകളെയും നഗരങ്ങളേയും ഈ നിയമം സംരക്ഷിക്കുമെന്നും ക്രമസമാധാനം ഉറപ്പിക്കുമെന്നും നിയമത്തെക്കുറിച്ച് ആഭ്യന്തര സെക്രട്ടറി യെവെറ്റ് കൂപ്പർ പറയുന്നു.
മൊബൈൽ ഫോണുകൾ മാത്രമല്ല , ലാപ്‌ടോപ്പുകൾ, ബ്ലൂടൂത്ത് ടാഗ് ചെയ്ത ബൈക്കുകൾ, മറ്റ് ഇലക്ട്രോണിക്‌സ് വസ്തുക്കൾ എന്നിവയും കണ്ടെത്തുന്നതിനായി വാറന്റില്ലാതെ പരിശോധന നടത്താൻ പോലീസിന് കഴിയും. എന്നാൽ പോലീസുകാരുടെ എണ്ണത്തിൽ നിലനിൽക്കുന്ന കുറവ് നിയമങ്ങൾ നടപ്പാക്കാൻ തടസമാകുമെന്ന് ആരോപമം ഉയരുന്നുണ്ട്.
