ഡബ്ലിനിൽ നിന്ന് പതിനാല് വർഷം മുൻപ് കാണാതായ യുവതിയെക്കുറിച്ച് എന്തെങ്കിലും വിവരം ലഭിക്കുന്നവർ അറിയിക്കണമെന്ന് വീണ്ടും അഭ്യർത്ഥിച്ച് ഗാർഡ. എസ്ര ഉയ്റൂണി എന്ന യുവതിയെയാണ് ക്ലോണ്ടാൽക്കിനിലെ വീട്ടിൽ നിന്ന് 14 വർഷങ്ങൾക്ക് മുൻപ് കാണാതായത്.
2011 ഫെബ്രുവരി 23 ന് രാവിലെ 7.15 ന് കോളിൻസ്ടൗൺ ഗ്രോവിലെ വീട്ടിൽ നിന്ന് പുറത്തു പോയ ഉയ്റൂണിനെ പിന്നീട് കാണാതാവുകയായിരുന്നു. കാണാതായപ്പോൾ ഉയ്റൂണിന് 38 വയസ്സായിരുന്നു പ്രായം.
പുറത്തു പോകുമ്പോൾ അവർ കറുത്ത ലെഗ്ഗിംഗ്സും വെളുത്ത നൈക്ക് ട്രെയിനറുകളും ഇരുണ്ട ടോപ്പും ആണ് ധരിച്ചിരുന്നത്. ചാരനിറത്തിലുള്ള റെനോ ട്വിംഗോ രജിസ്ട്രേഷൻ നമ്പർ 08-D-23067 – കാറിലാണ് ഉയ്റൂൺ പോയത്. കാർ പിന്നീട് കോ വിക്ലോയിലെ ബ്രേയിലെ പ്രൊമെനേഡിൽ നിന്ന് കണ്ടെത്തിയിരുന്നു.
എന്തെങ്കിലും വിവരം അറിയാവുന്നവർ 01 666 7700 എന്ന നമ്പറിൽ റോണൻസ്റ്റൗൺ ഗാർഡ സ്റ്റേഷനെയോ, 1800 666 111 എന്ന നമ്പറിൽ ഗാർഡ കോൺഫിഡൻഷ്യൽ ലൈനിനെയോ അല്ലെങ്കിൽ ഏതെങ്കിലും ഗാർഡ സ്റ്റേഷനെയോ ബന്ധപ്പെടണം.
