കൊല്ലം – ദിണ്ഡുക്കൽ ദേശീയപാത 183 ൽ ഇടുക്കി പീരുമേട് ദേശീയപാതയിൽ മരിയഗിരി സ്കൂളിന് മുന്നിൽ ബുധനാഴ്ച രാത്രി വീണ്ടും കാട്ടാനയെത്തി.രണ്ടു മാസം മുൻപ് പകൽ സമയത്ത് ഇവിടെ എത്തിയ കാട്ടാന ബസ് കാത്ത് നിന്ന വിദ്യാർഥികളെ വിരട്ടി ഓടിച്ചിരുന്നു. Narrow escape of lorry driver from wild elephant video
ബുധനാഴ്ച്ച രാത്രി ഒൻപതരയോടെയാണ് റോഡിൽ കാട്ടാനയെ കണ്ടത്. ഇതേ സമയം ഇതിലെ ലോറി എത്തിയിരുന്നു. കാട്ടാനയെ കണ്ട ഡ്രൈവർ ലോറി പിന്നോട്ട് എടുത്ത് രക്ഷപെട്ടു. കാട്ടാന സ്കൂളിന്റെ ബസ് കാത്തിരിപ്പ് കേന്ദ്രത്തിന്റെ വശത്ത് കൂടി താഴ്ഭാഗത്തേക്ക് കടന്ന ശേഷമാണ് ലോറിയ്ക്ക് കടന്നു പോകാനായത്.
ജനവാസ മേഖലയിലേക്കാണ് ആന കടന്നിരിക്കുന്നത്. കാട്ടാന സാനിധ്യം കേട്ടുകേൾവി പോലുമില്ലാത്ത പ്രദേശത്ത് ആനയിറങ്ങിയത് പ്രദേശവാസികളെ ഭീതിയിലാക്കിയിട്ടുണ്ട്.
