കണ്ണൂർ: പെരിയ ഇരട്ടക്കൊല കേസിലെ കെ വി കുഞ്ഞിരാമൻ അടക്കമുള്ള പ്രതികളെ കണ്ണൂരിലെ ജയിലില് എത്തിച്ചു. മുദ്രാവാക്യം വിളിച്ചാണ് പ്രവർത്തകർ പ്രതികളെ അഭിവാദ്യം ചെയ്തത്. ജയില് ഉപദേശക സമിതി അംഗമായ സിപിഐഎം നേതാവ് പി.ജയരാജന് കണ്ണൂര് സെന്ട്രല് ജയിലിലെത്തി സന്ദർശനം നടത്തി.(Periya double murder case; accused were taken to Kannur Central Jail)
കുറ്റവാളികളുടെ അപേക്ഷ പരിഗണിച്ച് ഇവരെ കോടതിയുടെ നിര്ദേശ പ്രകാരമാണ് ജയില് മാറ്റിയത്. തടവറ കാട്ടി കമ്യൂണിസ്റ്റുകാരെ ഭയപ്പെടുത്തേണ്ടെന്നായിരുന്നു പി ജയരാജന്റെ പ്രതികരണം. ജയിൽ ജീവിതം കമ്മ്യൂണിസ്റ്റുകാർക്ക് വായിക്കാനുള്ള കാലമാണെന്നും പി ജയരാജൻ പറഞ്ഞു. ഇരട്ട കൊലയെപ്പറ്റി പറയുമ്പോൾ വെഞ്ഞാറമൂട് കൊലപാതകം ഓർക്കണം. നിയമ പോരാട്ടത്തിന്റെ വഴികൾ ഇപ്പോഴുമുണ്ട്. അവസരങ്ങൾ തങ്ങൾ വിനിയോഗിക്കുമെന്നും പി ജയരാജൻ മാധ്യമങ്ങളോട് പ്രതികരിച്ചു.
