ശബരിമല: ശബരിമലയിൽ ദർശനത്തിനെത്തിയ മൂന്ന് തീർഥാടകർ ഹൃദയാഘാതത്തെ തുടർന്ന് മരിച്ചു. തൃശൂർ ചിയ്യാരം ചീരംപാത്ത് വീട്ടിൽ സി എം രാജൻ (68), തിരുവനന്തപുരം പോത്തൻകോട് കുഞ്ചുവിള വീട്ടിൽ പ്രകാശ് (58), തമിഴ്നാട് വിരുദുനഗർ രാമുദേവൻപട്ടി സ്വദേശി ജയവീരപാണ്ഡ്യൻ (45) എന്നിവരാണ് മരിച്ചത്. വ്യത്യസ്ത സമയങ്ങളിലാണ് മൂന്നുപേരുടെയും മരണം സംഭവിച്ചത്.(Three pilgrims died at Sabarimala due to heart attack)
മലകയറുന്നതിനിടെ ശനിയാഴ്ച രാവിലെ 9.30ന് അപ്പാച്ചിമേട്ടിൽ വെച്ചാണ് രാജൻ കുഴഞ്ഞു വീണത്. ഉടൻ തന്നെ പമ്പ ഗവ. ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു, ശനിയാഴ്ച ഉച്ചയ്ക്ക് രണ്ടു മണിയോടെ പ്രകാശൻ പമ്പയിൽ നിന്ന് മലകയറാൻ തുടങ്ങുമ്പോഴാണ് പ്രകാശ് കുഴഞ്ഞുവീണത്. ഉടനെ പമ്പ ഗവ. ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
തമിഴ്നാട് സ്വദേശി ജയവീരപാണ്ഡ്യന് വെള്ളിയാഴ്ച രാത്രി 10.50ന് ചന്ദ്രാനന്ദൻ റോഡിൽ വെച്ച് ദേഹാസ്വാസ്ഥ്യം അനുഭവപ്പെടുകയായിരുന്നു. തുടർന്ന് സന്നിധാനം ഗവ. ആശുപത്രിയിലെത്തിച്ചെങ്കിലും മരിച്ചു.
