വാഹനാപകടത്തിൽ പെട്ട് അര മണിക്കൂറോളം വഴിയിൽ കിടന്ന യുവാവ് മരണത്തിനു കീഴടങ്ങി. മാറന്നല്ലൂർ സ്വദേശി വിവേകാണ് (23) മരിച്ചത്. ഞായറാഴ്ച രാത്രി ആയിരുന്നു സംഭവം. ബൈക്ക് പോസ്റ്റിലിടിച്ച് ആയിരുന്നു അപകടം. ബൈക്കിൽ നിന്ന് തെറിച്ച് റോഡിൽ വീണ വിവേക് അരമണിക്കൂറോളം ഇവിടെ കിടന്നു. എന്നാൽ അതുവഴി പോയ ആരും സഹായിക്കാൻ ശ്രമിച്ചില്ല.
മാറനല്ലൂർ പൊലീസ് സ്ഥലത്ത് വന്ന് 15 മിനിറ്റ് കഴിഞ്ഞ് ആംബുലൻസിൽ യുവാവിനെ ആശുപത്രിയിലേക്ക് മാറ്റി. ആദ്യം സ്വകാര്യ ആശുപത്രിയിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. 108 ആംബുലൻസ് സമരത്തിലായതിനാൽ സ്വകാര്യ ആംബുലൻസ് എത്തിക്കാൻ വേണ്ടിയാണ് സമയമെടുത്തതെന്ന് പൊലീസ് പറയുന്നു. മൃതദേഹം മോർച്ചറിയിലേക്ക് മാറ്റി. നിയമപരമായ നടപടിക്രമങ്ങൾക്ക് ശേഷം ബന്ധുക്കൾക്ക് കെെമാറും.
English summary : In a car accident, he lay on the road for half an hour ; The young man died
