നാലു വര്‍ഷമായി വി മുരളീധരന്‍ പറ്റിക്കുന്നു; അടപ്രഥമൻ തരാതെ തലശേരിയിലെ നിര്‍മ്മാണ പ്രവര്‍ത്തനങ്ങൾ തുടങ്ങേണ്ടെന്ന് റെയില്‍വേ മന്ത്രി അശ്വിനി വൈഷ്ണവ്

കോഴിക്കോട് : കഴിഞ്ഞ നാലു വര്‍ഷമായി അടപ്രഥമന്‍ കൊണ്ടുവരാം എന്ന് പറഞ്ഞ് മുന്‍ കേന്ദ്രമന്ത്രിയും ബിജെപി നേതാവുമായ വി മുരളീധരന്‍ പറ്റിക്കുകയാണെന്ന് റെയില്‍വേ മന്ത്രി അശ്വിനി വൈഷ്ണവ്. സ്വകാര്യ സ്ഥാപനത്തിൻ്റെ ഉദ്ഘാടനം നിര്‍വഹിക്കവെ മന്ത്രിയുടെ ഈ പരാമര്‍ശം സദസില്‍ ചിരി പടര്‍ത്തി.Railway Minister Ashwini Vaishnav

കേരളത്തിലെ ചെറുതും വലുതുമായ 36 റെയില്‍വേ സ്‌റ്റേഷനുകളുടെ വികസന പദ്ധതികളെ പറ്റിയുള്ള അവതരണം നടത്തുകയായിരുന്നു അശ്വിനി വൈഷ്ണവ്.തലശേരി റെയില്‍വേ സ്‌റ്റേഷന്റെ വികസനത്തെ കുറിച്ച് പറഞ്ഞപ്പോഴാണ് അടപ്രഥമന്റെ കാര്യം പറഞ്ഞ് ഈ തമാശ പൊട്ടിച്ചത്.

അടപ്രഥമന്‍ തരാതെ തലശേരിയിലെ നിര്‍മ്മാണ പ്രവര്‍ത്തനം തുടങ്ങേണ്ടെന്ന് സദസില്‍ ഉണ്ടായിരുന്ന സതേണ്‍ റെയില്‍വേ ജനറല്‍ മാനേജറോട് അദ്ദേഹം പറഞ്ഞത് കൂടുതല്‍ ചിരി പരത്തി.

തലശേരി സ്വദേശിയായ വി മുരളീധരനുമായി ഇത്തരം തമാശകള്‍ പറയാനുള്ള സ്വാതന്ത്ര്യം തനിക്കുണ്ടെന്നും അദ്ദേഹം കൂട്ടിച്ചേര്‍ത്തു.