പത്തനംതിട്ട; അഴിമതി ആരോപണത്തെ തുടർന്ന് കണ്ണൂരിൽ ആത്മഹത്യ ചെയ്ത എഡിഎം കെ നവീൻ ബാബുവിന്റെ സംസ്കാരം ഇന്ന് പത്തനംതിട്ട മലയാലപ്പുഴയിൽ നടക്കും. പത്തനംതിട്ട കളക്ടറേറ്റിൽ രണ്ടു മണിക്കൂർ പൊതുദർശനത്തിന് വെക്കും. തുടർന്ന് മൃതദേഹം വീട്ടിലേക്ക് കൊണ്ടുപോകും.(ADM K Naveen Babu’s cremation today)

രാവിലെ പത്ത് മണിയോടെയാണ് മൃതദേഹം കളക്‌ട്രേറ്റിലേക്ക് എത്തിക്കുക. ഉച്ചയ്ക്കുശേഷമാണ് സംസ്കാര ചടങ്ങുകൾ നടക്കുന്നത്. രാഷ്ട്രീയ സാമൂഹിക രംഗത്തെ പ്രമുഖർ അന്തിമോപചാരമർപ്പിക്കാൻ എത്തും. മന്ത്രി കെ രാജൻ. മന്ത്രി വീണ ജോർജ് എന്നിവർ അന്തിമോപചാരമർപ്പിക്കാൻ എത്തും എന്നാണ് വിവരം.

അതേസമയം നവീൻ ബാബുവിന്റെ ആത്മഹത്യയിൽ കേസെടുക്കണമെന്ന് ആവശ്യപ്പെട്ട് സഹോദരൻ പ്രവീൺ ബാബു നൽകിയ പരാതിയിൽ കണ്ണൂർ ടൗൺ പോലീസ് ഇതുവരെ ഒരു നടപടിയും സ്വീകരിച്ചിട്ടില്ല.