ശനിയാഴ്ച രാത്രി വൈകി അലബാമയിലെ ബിർമിംഗ്ഹാമിലെ നൈറ്റ്ക്ലബിലുണ്ടായ വെടിവയ്പ്പിൽ പരിക്കേറ്റവരിൽ നാലുപേർ മരിച്ചു. ഒൻപത് പേർക്ക് പരിക്കേൽക്കുകയും ചെയ്തു. ബിർമിംഗ്ഹാമിലെ നിശാക്ലബിലാണ് വെടിവെപ്പുണ്ടായത്. (US Alabama shooting: Death toll rises to four; Nine people were injured)
.27-ാം സ്ട്രീറ്റ് നോർത്തിലെ നൈറ്റ്ക്ലബിലേക്ക് തെരുവിൽ നിന്ന് അക്രമി വെടിയുതിർക്കുകയായിരുന്നു. തുടർന്ന് സ്ഥലത്തെത്തിയ ഉദ്യോഗസ്ഥർ രാത്രി 11 ന് വെടിയേറ്റ നിലയിലുള്ളവരെ കണ്ടെത്തി ആശുപത്രിയിലെത്തിക്കുകയായിരുന്നു.
വെടിവെപ്പിനെ തുടർന്ന് വെടിയേറ്റ് നിശാക്ലബ്ബിനുള്ളിൽ രണ്ട് സ്ത്രീകൾ അപ്പോൾ തന്നെ മരിച്ചിരുന്നു. വെടിവെപ്പിന് പിന്നിലുണ്ടായ കാരണമെന്താണെന്ന് അന്വേഷണ ഏജൻസികൾക്ക് കണ്ടെത്താനായിട്ടില്ല. ആർക്കു വേണമെങ്കിലും തോക്ക് കൈവശം വെക്കാവുന്ന യു.എസ്.ൽ ഈ വർഷം 293 കൂട്ട വെടിവെപ്പുകളാണ് ഉണ്ടായത്.
