മുംബൈ: ടി20 ലോകകപ്പ് കിരീടം നേടിയ ഇന്ത്യൻ ക്രിക്കറ്റ് ടീമിനെ സ്വീകരിക്കാനായി എത്തിയ ആരാധകരുടെ തിക്കിലും തിരക്കിലുംപെട്ട് 10 പേർക്ക് പരിക്ക്. രണ്ടുപേരെ ആശുപത്രിയിൽ പ്രവേശിപ്പിച്ചു. ആരുടെയും നില ഗുരുതരമല്ല എന്നാണ് വിവരം.( fans were injured in Indian Team’s Victory March)
മറൈന് ഡ്രൈവിന്റെ ഇരുവശത്തുമായി ലക്ഷക്കണക്കിനു ആരാധകരാണ് തടിച്ചു കൂടിയിരുന്നത്. മറൈന് ഡ്രൈവില് നിന്ന് വാംഖഡെ സ്റ്റേഡിയത്തിലേക്ക് തുറന്ന ബസിലാണ് ടീം അംഗങ്ങൾ വിക്ടറി മാര്ച്ച് നടത്തിയത്. സൂചികുത്താന് പോലും ഇടമില്ലാതെ തടിച്ചു കൂടി ആരാധകര്ക്കിടയിലൂടെ ടീം അംഗങ്ങളെ വഹിച്ചുകൊണ്ടുള്ള ബസ് മുന്നോട്ട് പോകാന് പോലും പലപ്പോഴും ബുദ്ധിമുട്ട് നേരിടുകയും ചെയ്തു.
വൈകിട്ട് അഞ്ച് മണിക്ക് ആരംഭിക്കുമെന്ന് അറിയിച്ച വിക്ടറി മാര്ച്ച് കനത്ത മഴയും ആരാധകരുടെ കുത്തൊഴുക്കും കാരണം ഏഴു മണിക്കാണ് തുടങ്ങിയത്.
