ഇന്ത്യൻ റയിൽവേയുടെ അഭിമാനമാണ് വന്ദേ ഭാരത്. എന്നാൽ റെക്കോർഡ് കളക്ഷൻ നേടി മുന്നേറുമ്പോഴും ബാൻഡ് ഭാരത്തിലെ സൗകര്യങ്ങളെക്കുറിച്ച് ചില വിമർശനങ്ങൾ കൂടി ഉയരുന്നുണ്ട്. ഇപ്പോൾ വന്ദേ ഭാരത് കോച്ചിൻ്റെ മേൽക്കൂരയിൽ നിന്ന് വെള്ളം ചോർന്ന് സീറ്റുകൾ നനഞ്ഞൊഴുകുന്നത് കാണിക്കുന്ന സംഭവത്തിൻ്റെ വീഡിയോ ആണ് വൈറലാകുന്നത്. ഡൽഹി വാരണാസി വന്ദേ ഭാരത്തിലാണ് സംഭവം എന്നാണ് വീഡിയോയിൽ പറയുന്നത്. .(Vandebharat spilled in the rain video gone viral)
സംഭവത്തിൽ നിരവധി യാത്രക്കാർ ഈ വിഷയത്തിൽ പരാതിപ്പെടുകയും ട്രെയിനുകളുടെ മോശം മാനേജ്മെൻ്റിന് റെയിൽവേ മന്ത്രാലയത്തെ വിമർശിക്കുകയും ചെയ്തു. അതേസമയം വീഡിയോയോട് പ്രതികരിച്ചുകൊണ്ട് നോർത്തേൺ റെയിൽവേ രംഗത്തെത്തി. പൈപ്പുകൾ താൽക്കാലികമായി തടഞ്ഞതാണ് ചോർച്ചയ്ക്ക് പിന്നിലെ കാരണമെന്നും പ്രശനം പരിഹരിച്ചതായി പറയുകയും അസൗകര്യത്തിൽ ക്ഷമ ചോദിക്കുകയും ചെയ്തു.
പൈപ്പുകൾ താത്കാലികമായി അടഞ്ഞതിനാൽ കോച്ചിൽ നേരിയ തോതിൽ വെള്ളം ചോർച്ചയുണ്ടായി! അത് ട്രെയിനിലെ ജീവനക്കാർ അറ്റൻഡ് ചെയ്തു തിരുത്തി. ഉണ്ടായ അസൗകര്യത്തിൽ ഖേദിക്കുന്നു.” റയിൽവേ അറിയിച്ചു.
എങ്കിലും യാത്രക്കാർ തങ്ങളുടെ രോഷവും നിരാശയും പ്രകടിപ്പിക്കുകയും റെയിൽവേ അധികാരികളിൽ നിന്ന് മെച്ചപ്പെട്ട സേവനങ്ങൾ ആവശ്യപ്പെടുകയും ചെയ്തു. ഒരു ഉപയോക്താവ് എഴുതി, ” കൊള്ളാം, കഴിവില്ലായ്മ അതിൻ്റെ ഉച്ചസ്ഥായിയിൽ.” നേരിയ ചോർച്ച. ഇതൊരു പുതിയ തീവണ്ടിയാണ്, എന്തൊരു ദയനീയമായ നിർമ്മാണ നിലവാരമാണിത്? മേൽക്കൂര വ്യക്തമായി ചോർന്നൊലിക്കുന്നു.”
”വന്ദേ ഭാരത്, മഴയുള്ള ആദ്യത്തെ ട്രെയിൻ. മഴക്കാലത്ത് യാത്രക്കാർക്ക് ഇനി ഇരുന്ന് കുളിക്കാം.” മറ്റൊരാൾ അഭിപ്രായപ്പെട്ടു.
”ഇതാണ് ന്യൂഡൽഹിയിൽ നിന്ന് വാരാണസിയിലേക്ക് ഓടുന്ന വന്ദേ ഭാരത് ട്രെയിനിൻ്റെ അവസ്ഥ. മേൽക്കൂരയിൽ നിന്ന് വെള്ളം ഒലിച്ചിറങ്ങുന്നു. ആളുകൾക്ക് അവരുടെ ഇരിപ്പിടങ്ങളിൽ ഇരിക്കാൻ പറ്റുന്നില്ല. വന്ദേ ഭാരത് ട്രെയിനിൽ ഈടാക്കുന്ന നിരക്ക് കൂടുതലാണ്, പക്ഷേ സർവീസ് കുറവാണ്” വേറൊരാൾ എഴുതുന്നു.
