തമിഴ്നാട്ടിലെ കള്ളക്കുറിച്ചിയിലെ വ്യാജ മദ്യ ദുരന്തത്തില് മരിച്ചവരുടെ എണ്ണം 13 ആയി. 50 ല് അധികം പേര് വിവിധ ആശുപത്രികളില് ചികിത്സയിലാണ്. നിരവധി പേരുടെ നില ഗുരുതരമായി തുടരുകയാണ്. (13 dead, over 50 hospitalized in TN Kallakurichi after consuming illicit liquor)
വ്യാജമദ്യം വിറ്റെന്നു കരുതുന്ന ഗോവിന്ദരാജ് എന്നയാളെ പൊലീസ് അറസ്റ്റ് ചെയ്തിട്ടുണ്ട്. ഇയാളിൽനിന്ന് 200 ലിറ്റർ മദ്യം കണ്ടെടുത്തു. മദ്യത്തിൽ മെഥനോളിന്റെ അംശം സ്ഥിരീകരിച്ചതായി തമിഴ്നാട് സർക്കാർ അറിയിച്ചു. കുറ്റക്കാർക്കെതിരെ കടുത്ത നടപടിയെടുക്കുമെന്ന് തമിഴ്നാട് മുഖ്യമന്ത്രി എംകെ സ്റ്റാലിൻ പറഞ്ഞു.
അതേസമയം വ്യാജ മദ്യ ദുരന്തത്തിന് പിന്നാലെ ജില്ലാ കലക്ടര് ശ്രാവണ് കുമാറിനെ സ്ഥലം മാറ്റി. കൂടാതെ ജില്ലാ പൊലീസ് മേധാവിക്കെതിരെയും നടപടിയെടുത്തു. എസ്പി സമയ്സിങ് മീനയെ സസ്പെന്ഡ് ചെയ്തു. പൊലീസ് ലഹരിവിരുദ്ധ വിഭാഗത്തിലെ ഡെപ്യൂട്ടി സൂപ്രണ്ടടക്കം മുഴുവൻ ഉദ്യോഗസ്ഥരെയും താൽക്കാലികമായി സസ്പെൻഡ് ചെയ്തിട്ടുണ്ട്. മദ്യദുരന്തത്തിൽ സിബിസിഐഡി അന്വേഷണത്തിനും മുഖ്യമന്ത്രി ഉത്തരവിട്ടിട്ടുണ്ട്.
ഇന്നലെ രാത്രി കരുണാപുരത്തെ വ്യാജ മദ്യ വില്പ്പനക്കാരില് നിന്ന് മദ്യം വാങ്ങിക്കുടിച്ചവരാണ് ദുരന്തത്തിനിരയായത്. മദ്യം കുടിച്ചതിന് പിന്നാലെ ഇവര്ക്ക് തലവേദനയും ഛര്ദിയും വയറുവേദന ഉള്പ്പടെ അനുഭവപ്പെടുകയായിരുന്നു. തുടർന്ന് കുടുംബം ഇവരെ കള്ളക്കുറിച്ചി സര്ക്കാര് മെഡിക്കല് കോളജിലും സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല.
Read More: കള്ളക്കുറിച്ചിയിൽ വിഷമദ്യദുരന്തം; 9 പേർക്ക് ദാരുണാന്ത്യം; 40 പേർ ആശുപത്രിയിൽ
Read More: സംസ്ഥാനത്ത് കുട്ടികളെ തട്ടിയെടുക്കാനുള്ള ശ്രമങ്ങൾ വ്യാപകമാകുന്നു
Read More: കിമ്മിന് കൈകൊടുത്ത് പുടിൻ; നീക്കങ്ങൾ ഉറ്റുനോക്കി ലോകരാജ്യങ്ങൾ
