ചാലക്കുടി: ചാലക്കുടി ലോക്സഭാ മണ്ഡലത്തിൽ നിറം മങ്ങി യുഡിഎഫ് സ്ഥാനാർഥി ബെന്നി ബെഹനാൻ. എതിർ സ്ഥാനാർത്ഥിയെക്കാൾ 62,539 വോട്ടിന്റെ ലീഡിലാണ് ബെന്നി ബെഹനാൻ വിജയത്തിലേക്ക് അടുക്കുന്നത്. വോട്ടെണ്ണലിന്റെ തുടക്കത്തിൽ അടിപതറിയെങ്കിലും പിന്നീട് മുന്നിലെത്തുകയായിരുന്നു. എൽഡിഎഫ് സ്ഥാനാർഥി പ്രഫ. സി.രവീന്ദ്രനാഥാണ് രണ്ടാം സ്ഥാനത്ത്.
അതേസമയം കഴിഞ്ഞ തെരഞ്ഞെടുപ്പിനെ താരതമ്യം ചെയ്യുമ്പോൾ ബെന്നി ബെഹനാനെ ഭൂരിപക്ഷം കുത്തനെ ഇടിഞ്ഞു. കഴിഞ്ഞ തവണ 1,32,274 വോട്ടിന്റെ ഭൂരിപക്ഷമാണ് ബെന്നി ബെഹനാന് ലഭിച്ചത്. ഇത്തവണ എൽഡിഎഫ് സ്ഥാനാർഥി പ്രഫ. സി രവീന്ദ്രനാഥ്‌ 3,28,777 വോട്ടുകൾ നേടിയപ്പോൾ ചാലക്കുടിയിൽ എൻഡിഎ സ്ഥാനാർഥി കെ എ ഉണ്ണികൃഷ്ണൻ 1,05,753 വോട്ടാണ് നേടിയത്.
