ദുബായ്: ട്വന്റി 20 ലോകകപ്പ് വിജയികൾക്കുള്ള വമ്പൻ സമ്മാന തുക പ്രഖ്യാപിച്ച് ഐസിസി. ടൂർണമെന്റിൽ പങ്കെടുക്കുന്ന ടീമുകൾക്കായി ഐസിസി പ്രഖ്യാപിച്ചിരിക്കുന്നത് 11.25 മില്യൺ ഡോളറാണ്. അതിൽ ടൂർണമെന്റ് വിജയികൾക്ക് മാത്രം 2.45 മില്യൺ ഡോളർ സമ്മാന തുകയായി ലഭിക്കും. ട്വന്റി 20 ലോകകപ്പിന്റെ വിജയികൾക്ക് ഇത്ര വലിയ തുക സമ്മാനമായി ലഭിക്കുന്നത് ഇതാദ്യമായാണ്.
ഫൈനലിസ്റ്റുകളാകുന്ന ടീമിന് ലഭിക്കുക 1.28 മില്യൺ ഡോളറാണ്. സെമി ഫൈനലിൽ എത്തുന്ന ടീമുകൾക്ക് 7,87,500 ഡോളർ വീതം ലഭിക്കും. സൂപ്പർ എട്ടിൽ പരാജയപ്പെടുന്ന ടീമുകൾക്ക് 3,82,500 ഡോളറാണ് പ്രതിഫലം ലഭിക്കുക. ഒമ്പത് മുതൽ 12 വരെ സ്ഥാനങ്ങളിൽ എത്തുന്ന ടീമുകൾക്ക് 2,47,500 ഡോളർ നൽകും
13 മുതൽ 20 വരെ സ്ഥാനങ്ങളിൽ എത്തുന്ന ടീമുകൾ 2,25,000 ഡോളറും. അമേരിക്കയിലും യുഎസിലുമായി നടക്കുന്ന ട്വന്റി 20 ലോകകപ്പിന്റെ ഒമ്പതാം പതിപ്പിൽ ആകെ 20 ടീമുകളാണ് പങ്കെടുക്കുന്നത്. ടൂർണമെന്റ് 28 ദിവസം നീളും. ഇതാദ്യമായാണ് ട്വന്റി 20 ലോകകപ്പിൽ 20 ടീമുകൾ പങ്കെടുക്കുന്നത്.
