മുംബൈയില് നിന്ന് തിരുവനന്തപുരത്തേക്കുള്ള നേത്രാവതി എക്സ്പ്രസ്സ് അപകടത്തില് നിന്ന് രക്ഷപ്പെട്ടത് തലനാരിഴയ്ക്ക്. പാളം പരിശോധകന്റെ കൃത്യമായ ഇടപെടല് മൂലമാണ് വൻ ദുരന്തം ഒഴിവായത്. കൊങ്കണ് പാതയില് ഉഡുപ്പിക്ക് സമീപമാണ് പാളത്തിലെ വിള്ളല് കണ്ടെത്തിയത്. ഞായറാഴ്ച പുലര്ച്ചെ രണ്ടരയോടെ പാളം പരിശോധകനായ പ്രദീപ് ഷെട്ടിയാണ് ഇന്നഞ്ചെ, പഡുബിദ്രി സ്റ്റേഷനുകള്ക്കിടയില് വിള്ളല് കണ്ടെത്തിയത്.
നേത്രാവതി എക്സ്പ്രസായിരുന്നു ഇതിലൂടെ ആദ്യം കടന്നുപോകേണ്ടിയിരുന്നത്. കൂട്ടിച്ചേര്ത്ത പാളങ്ങള് വിട്ടുപോയ നിലയിലായിരുന്നു. ഇതു കണ്ട പ്രദീപ് കൊങ്കണ് റെയില്വേയിലെ ഉന്നതോദ്യോഗസ്ഥരെ വിവരമറിയിക്കുകയും ഇതുവഴി കടന്നുപോകേണ്ട വണ്ടികള് തൊട്ടടുത്ത സ്റ്റേഷനുകളില് പിടിച്ചിടുകയുമായിരുന്നു. വിള്ളല് കണ്ടെത്തിയതിനും ദുരന്തം ഒഴിവാക്കിയതിനും പ്രദീപ് ഷെട്ടിക്ക് കൊങ്കണ് റെയില്വേ 25,000 രൂപ പാരിതോഷികം പ്രഖ്യാപിച്ചിട്ടുണ്ട്.
Read More: ഹോളിവുഡ് താരം ജോണി വാക്ടർ മോഷ്ടാക്കളുടെ വെടിയേറ്റ് മരിച്ചു
Read More: ചാലക്കുടിപ്പുഴയില് കുളിക്കാനിറങ്ങിയ സഹോദരിമാരുടെ മക്കൾ മുങ്ങി മരിച്ചു; ദുരന്തം പിറന്നാൾ പിറ്റേന്ന്
