ന്യൂഡൽഹി: മൂന്നാമതൊരു ലോകമഹായുദ്ധം കൂടി ഉണ്ടാകാൻ സാദ്ധ്യതയുണ്ടെന്ന് കേട്ടു തുടങ്ങിയിട്ട് നാളേറെയായി. ആദ്യത്തെ രണ്ട് ലോകമഹായുദ്ധങ്ങളുടെ ഭീകരത ഇപ്പോഴും നമ്മെ വേട്ടയാടുന്നുണ്ട്. ഇതിനിടെയാണ് മൂന്നാം ലോകമഹായുദ്ധത്തെക്കുറിച്ച് പുതിയ പ്രവചനങ്ങൾ വരുന്നത്. നോസ്‌ട്രഡാമസ്, ബാബ വംഗ പോലുള്ള നിരവധി ജ്യോതിശാസ്ത്ര വിദഗ്ദ്ധർ മൂന്നാം ലോകമഹായുദ്ധം ഉണ്ടാകുമെന്ന് വർഷങ്ങൾക്ക് മുമ്പേ പ്രവചിച്ചിട്ടുണ്ട്.
എന്നാൽ എപ്പോൾ സംഭവിക്കും എന്നത് ആരും പ്രവചിച്ചിരുന്നില്ല. ഇപ്പോഴിതാ ഒരു ഇന്ത്യൻ ജ്യോതിശാസ്ത്ര വിദഗ്ദ്ധൻ മൂന്നാം ലോകമഹായുദ്ധം ഉണ്ടാകാൻ പോകുന്ന തീയതി വരെ കൃത്യമായി പ്രവചിച്ചിരിക്കുകയാണ്.
കൊറിയ – ചെെന സംഘർഷം, ഇസ്രായേൽ ഹമാസ് യുദ്ധം തുടങ്ങിയ നിരവധി പ്രവചനങ്ങൾ നടത്തിയിട്ടുള്ള കുശാൽ കുമാറാണ് മൂന്നാം ലോകമഹായുദ്ധത്തെക്കുറിച്ച് പുതിയ പ്രവചനം നടത്തിയത്. ജൂൺ 10,18 അല്ലെങ്കിൽ 29 എന്നിവ ദിവസങ്ങളിൽ മൂന്നാം ലോകമഹായുദ്ധത്തിന് കാരണമാകുന്ന സംഭവങ്ങൾ നടക്കുമെന്നാണ് പ്രവചനം.
ഈ പ്രവചനം അനുസരിച്ച് മൂന്നാം ലോകമഹായുദ്ധം 2024ൽ തന്നെ പൊട്ടിപ്പുറപ്പെട്ടേക്കാം. കരയിലല്ല കടലിൽ ആയിരിക്കും കൂടുതലും യുദ്ധം നടക്കുകയെന്നും അദ്ദേഹം പ്രവചിച്ചിട്ടുണ്ട്. കുശാലിന്റെ ഈ പ്രവചനം പല മാധ്യമങ്ങളും റിപ്പോർട്ട് ചെയ്തതോടെ ലോകം തന്നെ ഒന്ന് നടുങ്ങിയിട്ടുണ്ട്. ഇനി ഒരു ലോകയുദ്ധം ഈ ഭൂമിക്ക് താങ്ങാൻ കഴിയുന്നതിലും അപ്പുറമായിരിക്കും.
സകല രാജ്യങ്ങളുടെ കെെയിലും വൻ ആണവ ആയുധങ്ങളുണ്ട്. ചില സംഘർഷങ്ങൾ ഉടനെ ഉണ്ടാകുമെന്നും അത് വ്യോമയാന മേഖലയെയും ടൂറിസത്തെയും സാരമായി ബാധിക്കുമെന്നും പ്രവചി. ഹരിയാനയിലെ പഞ്ച്‌കുള സ്വദേശിയാണ് കുശാൽ കുമാർ.
