എറണാകുളത്ത് കടയിൽ കയറി യുവാവിനെ ക്രൂരമായി കുത്തിക്കൊന്നു. എറണാകുളം തോപ്പുംപടിയിൽ പ്രവർത്തിക്കുന്ന കടയിലാണ് ഇന്നലെ വൈകിട്ട് 7.45 ഓടെ ക്രൂരത അരങ്ങേറിയത്. മൂലംകുഴിയിൽ ബിനോയ് സ്റ്റാൻലിയാണ് അക്രമത്തിൽ കൊല്ലപ്പെട്ടത്. അയൽവാസിയായ അലൻ ആണ് ആക്രമത്തിന് പിന്നിൽ. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു. വാക്കു തർക്കത്തിനൊടുവിൽ അലൻ ബിനോയിയെ കുത്തുന്നത് ദൃശ്യങ്ങളിൽ വ്യക്തമാണ്. പ്രകോപനം ഒന്നുമില്ലാതെ പലതവണ ബിനോയിയെ കുത്തിയശേഷം യാതൊരു ഭാവഭേദവും ഇല്ലാതെ കത്തി അരയിൽ തിരുകി അലൻ പുറത്തേക്ക് പോകുന്നത് ദൃശ്യങ്ങളിൽ ഉണ്ട്. സംഭവത്തിനുശേഷം രക്ഷപ്പെട്ട പ്രതിക്കായി പോലീസ് അന്വേഷണം ആരംഭിച്ചിട്ടുണ്ട്. കുത്തേറ്റ് നിലത്ത് വീണ ബിനോയിയെ വീണ്ടും വീണ്ടും ആക്രമിക്കുന്നത് ദൃശ്യങ്ങളിൽ വ്യക്തമായി കാണാം. പ്രതിയെ ഉടൻ പിടികൂടുമെന്ന് പോലീസ് അറിയിച്ചു.

Read also: അനിശ്ചിതത്വങ്ങൾക്ക് വിരാമം: സംസ്ഥാനത്ത് ഇന്നുമുതൽ പൂർണ്ണതോതിൽ ഡ്രൈവിംഗ് ടെസ്റ്റ് ആരംഭിക്കും, കെട്ടിക്കിടക്കുന്നത് രണ്ടേ മുക്കാൽ ലക്ഷത്തോളം അപേക്ഷകൾ; പുതിയ തീരുമാനങ്ങൾ ഇങ്ങനെ: